យុវជនម្នាក់ឈ្មោះ ចំរ៉ុង ហ្ស៉ានុ ដែលជាអ្នកលក់តែគុជ តូចមួយនៅម្តុំចោមចៅ តស៊ូផលិតបទចម្រៀង​ Original Song ដើម្បីចូលរួមក្នុងវិស័យសិល្បៈ តែមិនមានឱកាសបង្ហាញសមត្ថភាពដូចគេ ព្រោះមិនសូវមានអ្នកស្គាល់។

ជាក់ស្តែងការផលិតបទចម្រៀងថ្មីត្រូវការចំណាយអស់មិនតិចឡើយ ពិសេសការថតសម្លេចចម្រៀង ថតភ្លេង និងការរៀបចំបញ្ចូលគ្នាឱ្យបានពិរោះ​មានស្តង់ដារសមរម្យ ដែលក្នុងមួយបទៗ មិនអស់ក្រោម ២៥០ ដុល្លារនោះទេ ដែលនេះជាចំនួនថវិការយ៉ាងច្រើនមួយចំពោះយុវជនម្នាក់ត្រឹមជាអ្នកលក់តែគុជមួយកំប៉ុង ៤០០០ រៀល។ នេះបើតាមការរៀបរាប់របស់ យុវជន ចំរ៉ុង ហ្ស៉ានុ។

ចម្រៀងរបស់ ចំរ៉ុង ហ្ស៉ានុ ដែលបានផលិតបច្ចុប្បន្នចេញជា វីដេអូ រូបភាព និងលោតអក្សរ បាន ២ បទហើយ ។ បទទីមួយ មានចំណងជើងថា «យើងបែកគ្នាហើយមែនទេ?» និងបទថ្មីមួយទៀតទើបចេញផ្សាយ ចំណងជើងថា «យប់ជ្រៅហើយអូន»។ ក្រៅពីនេះ ចំរ៉ុង ហ្ស៉ានុ នៅមានចម្រៀងត្រៀមទុកមួយចំនួនទៀត តែមិនទាន់មានលទ្ធភាពផលិតបានភ្លាមៗឡើយ ព្រោះតែកត្តាការចំណាយខ្ពស់ និងមិនទាន់មានការទទួលស្គាល់។

បទចម្រៀងនីមួយៗរបស់ យុវជន ចំរ៉ុង ហ្ស៉ានុ ជាការតែងនិពន្ធផ្ទាល់ ដោយមានសាច់រឿងថ្មី ភ្លេងថ្មីដែល លោក ជឿជាក់ថានេះជាការចូលរួមក្នុងការផលិតបទថ្មី។ ទោះជាត្រូវចំណាយថវិការខ្លួនឯងពេលនេះ ក៏ លោក ហ្ស៉ានុក សង្ឃឹមថានឹងមានអ្នកគាំទ្របទចម្រៀងមិនចំលងពីបរទេស ដែលនេះជាមោទកភាពរបស់ខ្លួន​មានជូនប្រទេសជាតិរបស់ខ្លួន៕

ចង់ដឹងថាចម្រៀងរបស់អ្នកចម្រៀងលក់តែគុជរូបនេះមានអត្ថន័យ និងពិរោះឬអត់ សូមសាកល្បងទស្សនាវីដេអូ Lyric ដូចខាងក្រោម៖

បទ «យើងបែកគ្នាហើយមែនទេ?»

បទ «យប់ជ្រៅហើយអូន»

រូបភាពផ្តល់ដោយ៖ ចំរ៉ុង ហ្ស៉ានុ

អត្ថបទ៖ Sunny