ហេតុផលនេះហើយ ទាក់ចិត្តតារាប្រុសទាំង ៣ស្រឡាញ់ប្រពន្ធខ្លាំង រហូតដណ្ដឹងរៀបការ

2018-12-05 08:59:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំ ២០១៨នេះ មង្គលការរបស់តារាថៃ ៣គូពិតជាទទួលបានការចាប់អារម្មណ៍ជាខ្លាំង ហើយរឹតតែរំភើបពេលដឹងពីទំហំក្ដីស្រឡាញ់ដែលពួកគេមានឲ្យគ្នា។ ពួកគេបានឆ្លងកាត់រឿងជាច្រើនជាមួយគ្នា ប៉ុន្តែនៅតែស៊ូកាន់ដៃគ្នា មិនលែងជាដាច់ខាត។ តើមានមូលហេតុអ្វីដែលធ្វើឲ្យពួកគេទាំងនោះ ស្រឡាញ់គូស្នេហ៍របស់ខ្លួនខ្លាំងម្ល៉េះ?

១. ប្ដីប្រពន្ធតារាសម្ដែង Noom Sornram និង Tik Big Brother

គូស្នេហ៍មួយនេះបានប្រារព្ធពិធីមង្គលការបែបសាមញ្ញបំផុត នៅថ្ងៃទី ២១ ខែកញ្ញា ឆ្នាំ ២០១៨។ Noom ដែលជាស្វាមីបាននិយាយថា ហេតុផលដែលលោកដកចិត្តមិនរួចពីម្ចាស់ចិត្តម្នាក់នេះ ក៏ ដោយសារ នាងតែងមើលថែថ្នាក់ថ្នមនៅពេលលោកពិបាកចិត្ត។ មិនត្រឹមតែប៉ុណ្ណោះ នាងក៏មើលថែប្រតិបត្តិម្ដាយរបស់លោកល្អបំផុតដែរ។

២. ប្ដីប្រពន្ធតារាសម្ដែង Janie Thienphosuwan និង Mickey The Face

ពួកគេទាំង ២នាក់ បានរៀបការនឹងគ្នានៅថ្ងៃទី ១៩ ខែតុលា ឆ្នាំ ២០១៨ ក្រោយពីមើលចិត្តគ្នាអស់មួយរយៈ។ ទាំងសង្ហា ទាំងមាន មិនខ្វះទេនារីៗតាមស្នេហ៍ ប៉ុន្តែ Mickey មិនដែលយកភ្នែកមើល ក្រៅពី Janie ទេ។ មូលហេតុដែលលោកស្រឡាញ់ស្មោះបែបនេះ ក៏ដោយសារ ប្រពន្ធរបស់លោកនេះ គឺជានារីម្នាក់ស្លូតបូត និងតែងមើលថែលោកគ្រប់ពេល។

៣. ប្ដីប្រពន្ធ DJ Push និង Jooy Warattaya

ទាំង២នាក់នេះបានកាន់ដៃគ្នាចូលរោងការទៅតាមប្រពៃណីនៅថ្ងៃទី ១៦ ខែវិច្ឆិកា ឆ្នាំ ២០១៨ ដោយមានការចូលរួមពីសំណាក់តារាៗជាច្រើន។ DJ Push ដែលជាស្វាមីបានបង្ហើបអារម្មណ៍ពិតថា ហេតុផលសំខាន់ដែលលោកស្រឡាញ់ Jooy ខ្លាំងបំផុតនោះ ក៏ដោយសារនាងចិត្តល្អ និងគោរពអ្នកនៅជុំវិញខ្លួន ពិសេសនាងចូលចិត្តធ្វើបុណ្យណាស់។ តាំងពីលោកបានស្គាល់នាងមក លោកក៏មានឱកាសបានដើរធ្វើបុណ្យច្រើនឡើងៗ ហើយធ្វើឲ្យលោកជ្រះថ្លាខ្លាំងណាស់៕

ប្រភព៖ Thai Update ប្រែសម្រួល៖ យី សុធារី