អាចរំភើបពេលឃើញទិដ្ឋភាព និងឯកសារដ៏កម្រក្នុងបណ្ណាល័យជាតិ ដែលមិនសូវមានអ្នកដឹង (មានវីដេអូ)

2018-12-05 11:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ណាល័យជាតិ មានទីតាំងនៅជិតសកលវិទ្យាល័យជាតិគ្រប់គ្រង ក្នុងរាជធានីភ្នំពេញ បើកដំណើរជាសាធារណៈចាប់ពីថ្ងៃចន្ទ ដល់ថ្ងៃសៅរ៍ សម្រាប់អ្នកចូលចិត្តការអាន។ ជាមធ្យមមានសិស្សនិស្សិត និងក្រុមអ្នកស្រាវជ្រាវ ជាតិអន្តរជាតិ ចំនួនប្រហែល ១០០នាក់ ចេញចូលមិនដាច់។

ក្នុងរដូវកាល ដែលនិស្សិតត្រូវស្រាវជ្រាវធ្វើសារណា ចំនួនមានការកើនឡើង អាចមានដល់២០០ ឬ៣០០នាក់ ដែលបានចូលអានសៀវភៅ។ នេះបើតាមប្រធានបណ្ណាល័យជាតិ។

លោកស្រី ខ្លូត វិបុលឡា ប្រធានបណ្ណាល័យជាតិ និងជាអនុប្រធាននាយកដ្ឋានសៀវភៅ និងការអាន នៃក្រសួងវប្បធម៌ និងវិចិត្រសិល្បៈ បានប្រាប់ Sabay ថាបណ្ណាល័យជាតិ បានចាប់ផ្ដើមសកម្មភាពប្រមែប្រមូលឯកសារចាស់ៗ និងសៀវភៅ មករក្សាទុក តាំងពីឆ្នាំ១៩៥៣មក។

លោកស្រី ខ្លូត វិបុលឡា

ជាថ្មីម្តងទៀត ឯកសារថ្នាក់ជាតិ និងប្រវត្តិសាស្ត្រ ដែលសេសសល់ក្រោយរបបខ្មែរក្រហម ត្រូវបានប្រមែប្រមូលមកទុកនៅទីនេះផងដែរ។ ក្នុងនោះមានដូចជា សាស្ត្រា និងក្រាំង មានតាំងពីសតវត្សទី១៨ និងកាសែត បានរក្សាទុកតាំងពីសម័យសង្គមរាស្ត្រនិយមមកម្ល៉េះ។ លោកស្រីបន្តថា ក្រោយរបបខ្មែរក្រហមបានដួលរលំ ក្រុមការងារបានបន្តការងារដដែល នឹងទទួលបានឯកសារ និងសៀវភៅដែលមានអាយុកាលច្រើនឆ្នាំ ពីប្រភពសំខាន់ៗនានា ដូចជាពុទ្ធសាសនបណ្ឌិត្យ ប្រមាណ២ម៉ឺន៣ពាន់ក្បាល។

រូបថត សាស្ត្រា និងក្រាំង

សូមទស្សនាវីដេអូលម្អិតពីទិដ្ឋភាព ផ្នែកខាងក្នុងនៃបណ្ណាល័យជាតិ

ឯកសារទាំងនេះ គឺត្រូវរក្សាថែទាំក្នុងបន្ទប់ងងឹតមួយ មិនត្រូវការពន្លឺថ្ងៃ ហើយបានដាក់ដាច់ដោយឡែក ពីសៀវភៅ ឬឯកសារសាធារណៈ ដោយសារតែអាយុកាលចាស់ទ្រុឌទ្រោមខ្លាំងទៅហើយ។ ប្រធានបណ្ណាល័យជាតិថា សម្រាប់ឯកសារដ៏កម្រគឺកំពុងអភិរក្ស។ មានលក្ខខណ្ឌមួយចំនួនត្រូវបានតម្រូវ សម្រាប់អ្នកស្រាវជ្រាវពិសេស និងបែបផ្លូវការ ទើបអាចចូលអានឯកសារកម្រខាងលើបាន។