Cardi B ប្រកាសលែងលះ Offset ២ថ្ងៃក្រោយធ្លាយសារទាក់ទងស្រី២នាក់ក្នុងពេលតែមួយ
- 2018-12-06 02:25:39
- ចំនួនមតិ 0 | ចំនួនចែករំលែក 0
Cardi B ប្រកាសលែងលះ Offset ២ថ្ងៃក្រោយធ្លាយសារទាក់ទងស្រី២នាក់ក្នុងពេលតែមួយ
ចន្លោះមិនឃើញ
ថ្មីៗនេះ សារមួយត្រូវបានបែកធ្លាយ បង្ហាញថា តារារ៉េប Offset បានរៀបគម្រោងចង់គេងជាមួយស្ត្រី២នាក់ក្នុងពេលតែមួយកាលពីខែមិថុនា អំឡុងពេលមុន Cardi B ផ្ដល់កំណើតដល់កូនស្រីនាងបន្តិច។
តាមរយៈសារដែលបានបែកធ្លាយនោះ បង្ហាញឲ្យឃើញថា តារារ៉េបប្រុសរូបនេះ បានសួរស្ត្រីម្នាក់ឈ្មោះ Summer Bunni ឲ្យរៀបចំគម្រោងគេងជាមួយនាងមួយយប់ និងជាមួយតារារ៉េបស្រីម្នាក់ផ្សេងទៀតឈ្មោះ Cuban Doll។
រូបភាពសារកាលពីថ្ងៃទី ២៨ ខែមិថុនានេះដែរ ត្រូវបានបង្ហោះឡើងដោយមនុស្សស្រីម្នាក់ទៀត ដែលបានបញ្ជាក់ឈ្មោះ Cardi B លើ Story នៃ Instagram របស់នាង។ ជាមួយគ្នានោះដែរ នាងក៏បានបង្ហាញរូបមួយសន្លឹកទៀត ដែល Summer Bunni កំពុងនិយាយទាក់ទងតាមវីដេអូជាមួយ Offset។ ទោះជាយ៉ាងណាក៏ដោយ គ្រប់គ្នានៅមិនទាន់ដឹងថា Cardi បានឃើញសារមួយនេះហើយឬក៏យ៉ាងណានោះទេ ខណៈរូបនាង មិនទាន់មានបញ្ចេញប្រតិកម្មតបតអ្វីនៅឡើយ។
តារារ៉េប Cardi B បានបង្ហោះវីដេអូលើ Instagram របស់នាង ប្រកាសថា នាងនិងស្វាមី Offset បានលែងលះគ្នាហើយ ប៉ុន្តែពួកគេនៅតែរក្សាចំណងមិត្តភាពក្នុងនាមជាមិត្តល្អ និងដៃគូមុខជំនួញដដែល។
គួររម្លឹកដែរថា អតីតគូស្នេហ៍មួយគូនេះ បានរៀបការនឹងគ្នាជាលក្ខណៈឯកជនមួយកាលពីខែកញ្ញា ឆ្នាំ២០១៧ មុនពេល Cardi B ផ្ដល់កំណើតដល់កូនស្រីរបស់ពួកគេនៅខែ កក្កដា៕
ទស្សនាវីដេអូខាងក្រោម៖