៤ក្រុមធំៗនៅកម្ពុជា នឹងប្រកួតយកប្រាក់ជួយ កុមារខ្វះខាត១១០នាក់នៅក្រចេះ

2018-12-07 03:37:12
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីបាល់ទាត់សប្បុរសធម៌មួយ ដែលបង្កើតឡើងដោយក្រុមអ្នកគាំទ្រទាត់បាល់ធំៗ ៤ នឹងចាប់ផ្ដើមនៅថ្ងៃទី២៣ខែធ្នូឆ្នាំ២០១៨ខាងមុខនេះ។

លោក ពៅ រតនា តំណាងអ្នករៀបចំកម្មវិធីប្រកួតខាងលើបានបញ្ជាក់ថាក្រុមទាំង៤ដែលនឹងចូលរួមប្រកួតនេះរួមមានក្រុមអ្នកគាំទ្រ Real Madrid , Barcelona , Manchester United និង PSG ។ ការប្រកួតនេះ ស្ថិតក្រោមឈ្មោះផ្លូវការមួយថា (RUN Football Charity) ដែលបានផ្ដួចផ្ដើមឡើងដោយមេដឹកនាំនៃហ្វេនក្លឹបនីមួយៗ។ ការប្រកួតនឹងធ្វើឡើងនៅកីឡដ្ឋានរបស់វេស្ទើន ចាប់ពីម៉ោង២រសៀលតទៅ។

ប្រាក់ដែលបានពីការប្រកួតនេះ នឹងយកទៅឱ្យសាលារៀនមួយនៅខេត្តក្រចេះ ភូមិ២៧សែនជ័យ ឃុំដំរីផុង ស្រុកឆ្លូង។ ដោយសាលាមួយនេះ ចុះពីផ្លូវជាតិទៅ៣០គីឡូម៉ែត្រ មានផ្លូវជិះចូលបាន២០គីឡូម៉ែត្រ និង១០គីឡូម៉ែត្រទៀត ត្រូវធ្វើដំណើរដោយជើង ឬគោយន្ដ។ ប្រសិនណាបើបងប្អូនសប្បុរជនណា មានបំណងចង់ចូលរួមចំណែក ឬជួយជាសម្ភារៈផ្សេងៗ អាចទាក់ទងតាមលេខទូរសព្ទ 099 419 699 ។

បញ្ជាក់សាលារៀននេះ កំពុងរងការខូចខាតខ្លាំងមែនទែនដោយពេលភ្លៀងមក សិស្សមិនអាចរៀនបានឡើយ ព្រោះដំបូលរហែកអស់ និងមិនមានអ្វីបិទបាំងជិតនោះទេ៕