ចាំយូរមែនទេ? រឿងភាគខ្មែរសម្តែងដោយតារាល្បីៗ២ប្រទេសរួមគ្នា បញ្ចាំងលើកញ្ចក់ទូរទស្សន៍ឆាប់ៗនេះ

2018-12-07 09:03:39
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងភាគខ្មែរ «អាថ៌កំបាំងត្រីសូល៍» ដែលសហការផលិតរវាង២ប្រទេសរួមគ្នា មានកម្ពុជា ថៃ នឹងចាក់ផ្សាយនៅលើកញ្ចក់ទូរទស្សន៍ ភីអិនអិន នាចុងឆ្នាំ២០១៨នេះហើយ។ រឿងនេះមានតួសម្តែង៣គូសំខាន់ៗ ក្នុងនោះមានតារាសម្តែងខ្មែរ២គូ និងថៃ១គូ។ តារាសម្តែងខ្មែរមានដូចជា លោកខាត់ វៃហាំង កញ្ញា យូប៊ីន លោក យឹម ណារ៉ា កញ្ញា មឿន ផាណែត និងតារាសម្តែងថៃរួមមាន ផេត និងមៃ។

តារាសម្តែងខ្មែរ ខាត់ វៃហាំង និង ស៊ីន យូប៊ីន

តារាសម្តែងថៃ ផេត និងមៃ

ភីអិនអិន សម្រេចផលិតរឿង «អាថ៍កំបាំងត្រីសូល៍» ជាមួយផលិតករថៃ និងតារាថៃ គឺសង្ឃឹមថានឹងទទួលបានលទ្ធផលល្អសម្រាប់ទីផ្សារ នេះបើតាមកញ្ញា ទូច បុប្ផា ប្រធានផ្នែកកម្មវិធីផ្សាយរបស់ទូរទស្សន៍ ភីអិនអិន បានប្រាប់មកកាន់អ្នកសារព័ត៌មាន។

«អាថ៍កំបាំងត្រីសូល៍» គឺជារឿងភាគដែលផ្តល់នូវរសជាតិថ្មី និងប្លែកពីរឿងភាគខ្មែរមុនៗដែលធ្លាប់ចាក់ផ្សាយនៅ ភីអិនអិន ដោយមានលាយបញ្ចូលគ្រប់រសជាតិ មានទាំងការប្រើយុទ្ធសិល្ប៍ វាយប្រហារ ស្នេហា និងបង្កប់នូវអាថ៌កំបាំងជាច្រើន បង្កើតជាចម្ងល់ដល់ទស្សនិកជន។

«អាថ៌កំបាំងត្រីសូល៍» នឹងចាក់ផ្សាយឆាប់ៗនេះនៅលើកញ្ចក់ទូរទស្សន៍ ភីអិនអិន រៀងរាល់ថ្ងៃចន្ទ-ពុធ វេលាម៉ោង៨:០០-៩:០០យប់ បន្ទាប់ពីរឿង «កន្ទោងខៀវ»៕ ទស្សនាឈុតខ្លី រឿង «អាថ៌កំបាំងត្រីសូល៍» ខាងក្រោមនេះ៖

អត្ថបទ៖ ដេត ធន្នី