ថ្ងៃនេះ ស៊ឹម ប៊ុនស្រ៊ន់ វ៉ៃនៅថៃជឿជាក់លើខ្លួនឯងបានលទ្ធផលល្អ
- 2018-12-09 01:35:34
- ចំនួនមតិ 0 | ចំនួនចែករំលែក 0
ថ្ងៃនេះ ស៊ឹម ប៊ុនស្រ៊ន់ វ៉ៃនៅថៃជឿជាក់លើខ្លួនឯងបានលទ្ធផលល្អ
ចន្លោះមិនឃើញ
អ្នកលេងគុនខ្មែរ ស៊ឹម ប៊ុនស្រ៊ន់ មិនបានឡើងប្រកួតអស់រយៈពេលជាងមួយឆ្នាំហើយ ប៉ុន្តែមិនមានន័យថា រូបគេយកពេលឈប់សម្រាកនោះទេ តាមពិតនៅសម្ងំហាត់បន្ថែមវិជ្ជាគុនរាល់ថ្ងៃនេះត្រៀមការប្រកួតដែលមកដល់ថ្ងៃអាទិត្យនៅប្រទេសថៃ។
សម្ដីរបស់ ប៊ុនស្រ៊ន់ ៖«ពេលអត់ទាន់មានគូប្រកួត ខ្ញុំយកពេលផ្ដោតទៅលើផ្នែកកសិកម្ម ប៉ុន្តែយ៉ាងណាខ្ញុំនៅតែមកហាត់មួយអាទិត្យ ៥ថ្ងៃដែរ ដើម្បីកុំឲ្យស្រកសាច់ដុំ និងរក្សាកម្លាំងថេរ។ ខ្ញុំចង់ត្រៀមខ្លួនឲ្យរួចរាល់មុននឹងគេហៅឲ្យប្រកួត។ តែឥឡូវ គេចាប់គូឲ្យខ្ញុំ អីចឹងខ្ញុំមកហ្វឹកហាត់រាល់ថ្ងៃតែម្ដង»។
«ខ្ញុំហ្វឹកហាត់ត្រៀមបានសព្វគ្រប់ហើយ ដើម្បីឡើងសង្វៀនថ្ងៃនេះ។ ការឈរវាយសេរី ខ្ញុំមានអាវុធធ្ងន់ជាងមុន ទាំងជើងធាក់ កណ្តាប់ដៃ ហើយគោលជំហរក៏រឹងមាំដែរ។ បើឲ្យផ្ដួលគេឲ្យសន្លប់គិតថាមិនអាចទៅរួចទេ ប៉ុន្តែអាចជឿជាក់ថា យកឈ្នះលើពិន្ទុបាន។ ម្ដងនេះ ខ្ញុំអត់ខ្លាចសោះតែម្ដង មានទំនុកចិត្តខ្លាំងលើខ្លួនឯង»។
អ្នកប្រដាល់មកពីខេត្តកំពង់ចាមបន្តថា ធ្វើជាកីឡាករប្រដាល់អាជីពនៅកម្ពុជា ពិតជាលំបាកបន្តិច តែយ៉ាងណាខ្លួនតាំងចិត្តតស៊ូ និងផ្ដល់ភាពវិជ្ជមានដល់ខ្លួនឯងជានិច្ច។ រូបគេវ៉ៃនៅបាងកកថ្ងៃទី៩ ធ្នូនេះ នឹងយកជ័យជម្នះឲ្យប្រទេសកម្ពុជាឲ្យបាន។
ស៊ឹម ប៊ុនស្រ៊ន់ ជាអ្នកប្រដាល់ MMA និងគុនខ្មែរ របស់កម្ពុជា បានវិលចូលសង្វៀនប្រកួតវិញហើយ បន្ទាប់ពីឈប់សម្រាករយៈពេលជាង១កន្លងទៅនេះដោយសាររបួស។ បច្ចុប្បន្ននេះកំពុងនៅប្រទេសថៃ ដើម្បីត្រៀមការប្រកួតមិត្តភាពអន្តរជាតិក្នុងកម្មវិធី Super Champ នាថ្ងៃអាទិត្យនេះហើយ៕
Man United ធ្លាក់ខ្លាំងប៉ុន្តែនៅគ្រាន់បើជាងរដូវកាលមួយ ជំនាន់គ្រូតា Sir Alex
ជាគំរូល្អ ក្រុមហ៊ុននេះធ្វើតារាហ្វូតសាលជូនវិទ្យាល័យពងទឹក