បាក់ចិត្តស្តូក! បើ Apple ដាក់ចិត្តបន្ថែមចំណុចរសើបទាំង ៥ នេះលើ AirPods 2

2018-12-07 11:33:25
ចំនួនមតិ 0 | ចំនួនចែករំលែក 0

ចន្លោះមិនឃើញ

AirPods បានប្រែក្លាយជាកាសឥតខ្សែដ៏ពេញនិយមមួយចាប់តាំងពីថ្ងៃបង្ហាញខ្លួនដំបូងជាមួយជំនាន់ iPhone 7/7 Plus កាលពីឆ្នាំ ២០១៦។ ប៉ុន្តែវាបានខកខានវិវត្តន៍រយៈពេល ២ ឆ្នាំមកហើយ រហូតថ្មីៗនេះមានការផ្ទុះចចាមអារ៉ាមថា Apple នឹងគិតគូរសារជាថ្មីក្នុងការចេញផ្សាយ AirPods 2 នាដើមឆ្នាំ ២០១៩ ខាងមុខ។

ក្នុងនោះក៏មានចំណុចរសើប ៥ ដែលអតិថិជននិងអ្នកជំនាញផ្តល់យោបល់ចង់ឲ្យ Apple ធ្វើការកែប្រែ៖

៥.ការបញ្ជាកាន់តែពិសេស:

ការរចនារូបរាងសាមញ្ញអាចទទួលយកបាន ប៉ុន្តែមុខងារឆ្លាតវៃក្នុងការបញ្ជាពោលដូចជាការផ្លាស់ប្តូរសំឡេងចុះឡើង ចាំបាច់អ្នកត្រូវគោះឧបករណ៍និងនិយាយប្រាប់ Siri ពោលគឺរាងស្មុគស្មាញបន្តិច។ តាមការណែនាំលើ Reddit ចង់ឲ្យ Apple បន្ថែមមុខងារ Touch-sensitive ដែលអតិថិជនត្រឹមប្រើសកម្មភាពសាមញ្ញណាមួយដូចជា "Tap and Slide” ក្នុងការផ្លាស់ប្តូរជាដើម។

៤.ការទប់សំឡេងរំខានពីខាងក្រៅ:

កាសឥតខ្សែសព្វថ្ងៃបើមើលទៅគូប្រជែងខាងក្រៅ ភាគច្រើនក្រៅពីមានគុណភាពសំឡេងងំល្អទៀតសោតក៏បង្កប់មុខងារការពារសំឡេងរំខានពីខាងក្រៅ។ Noise Cancellation ជាអ្វីដែលអ្នករាល់គ្នារំពឹងទុកសម្រាប់ឆ្នាំក្រោយ។

៣.ជម្រើសពណ៌ថ្មី:

ត្រឹមពណ៌សមួយមុខមើលទៅឆាប់សាំភ្នែក មួយទៀតឆាប់ប្រឡាក់ទៀតផង បែបនេះបើមានជម្រើសពណ៌ខ្មៅ (Black) ឬប្រផេះ (Space Gray) ដូចជំនាន់ iPhone ក៏ជាជម្រើសល្អ។ ជាងនេះទៅទៀតបើមានជំនាន់ (PRODUCT)RED ឬកូនកាត់ iPhone XR ទៀតនោះ ដឹងតែកប់ខ្លាំងតែម្តង។

២.អាវក្រោះការពារទឹក:

អ្នកប្រើ AirPods ភាគច្រើនមិនអាចលេងកាសឥតខ្សែនេះជាមួយទឹកកម្រិតខ្លាំងបានទេ សោតយ៉ាងដូចជានៅក្រោមភ្លៀង ពិតជាជួបបញ្ហាមិនខាន។ ស្ថិតក្នុងតម្លៃ ១ សន្លឹកកន្លះ Apple គួរតែលៃលកកែច្នៃមុខងារការពារទឹកសម្រាប់ AirPods ជំនាន់ក្រោយ។

១.ជម្រើសទំហំច្រើនជាងមុន:

មិនមែនទម្រង់ត្រចៀកអតិថិជនរាល់គ្នាសុទ្ធតែដូចគ្នាទេ ព្រោះពេលខ្លះក៏តូចជាងឬធំជាង ពោលគឺមិនសមប្រកបក្នុងការប្រើប្រាស់។ សម្រាប់ក្រុមហ៊ុនផលិតគួរគិតឲ្យបានច្បាស់ក្នុងការបន្ថែមជម្រើសទំហំលើសពីមួយ ងាយស្រួលដល់អតិថិជនក្នុងការជ្រើសរើស៕