បាត់យូរ! សាន ផានិត ចេញ Trailer ២បទផ្ទួន អង្រួនចិត្តអ្នកស្ដាប់

2018-12-08 02:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយស្ងាត់មួយរយៈ លោក សាន ផានិត បានត្រលប់មកវិញជាមួយបទចម្រៀង Original Song ២បទ គឺ "មានជីវិតត្រូវតស៊ូ" និង បទ"ភ្លេងការ" យ៉ាងពីរោះរណ្ដំចិត្ត។

បទចម្រៀងទាំងពីរបទនេះ ត្រូវបាន លោក សាន ផានិត អះអាងថា មិនធ្វើឲ្យទស្សនិកជនខកបំណងឡើយ ព្រោះទាំងបច្ចេកទេសថត សាច់ភ្លេង ទំនុកច្រៀង សុទ្ធតែរៀបចំយ៉ាង សម្រិតសម្រាំងជាពិសេស។

អ្វីកាន់តែចាប់អារម្មណ៍ទៀតនោះ បទចម្រៀង"មានជីវិត ត្រូវតស៊ូ" រ៉េប ដោយ ពូ ឃ្លាំង និងដឹកនាំសម្ដែងដោយ លោក ហេង ពិទូ បង្កប់ខ្លឹមសារអប់រំដល់សង្គមច្រើន ទាក់ទងនឹងយុវជនដែលដើរផ្លូវខុស ហើយសង្គមរើសអើងជាដើម។ ។ ចំណែក បទ "ភ្លេងការ" ក៏ប្រើប្រាស់បច្ចេកទេសថត មិនចាញ់គ្នាដែរ ដោយបទមនោសញ្ចេតនានេះ ស្ដាប់ហើយ ពីរោះចាក់ចំដួងចិត្តយុវវ័យតែម្តង។ លោក សាន ផានិត បញ្ជាក់ថា Full MV របស់ចម្រៀងថ្មី២បទនេះ នឹងចេញក្នុងពេលឆាប់ៗនេះ ហើយ។

ជាថ្មីម្ដងទៀត ម្ចាស់បទ"ទូរស័ព្ទប្រាប់ផង"រូបនេះ បានដាក់ក្ដីរំពឹងយ៉ាងមុតមាំថា វត្តមានជាថ្មីនៃបទចម្រៀង២បទនេះ នឹងធ្វើឲ្យទស្សនិកជនភ្ញាក់ផ្អើល ព្រមទាំងបន្តការគាំទ្រលើរូបលោកវិញជាក់ជាមិនខាន៕

សូមទស្សនា Trailer បទចម្រៀងទាំងពីរបទ៖

បទ "មានជីវិត ត្រូវតស៊ូ"

បទ "ភ្លេងការ"

អត្ថបទ៖ លឹម សុនា