ជ័យជម្នះយប់មិញ សុវណ្ណារី សាងកំណត់ត្រាពិសេសមួយសម្រាប់ខ្លួនឯង
- 2018-12-08 07:05:33
- ចំនួនមតិ 0 | ចំនួនចែករំលែក 0
ជ័យជម្នះយប់មិញ សុវណ្ណារី សាងកំណត់ត្រាពិសេសមួយសម្រាប់ខ្លួនឯង
ចន្លោះមិនឃើញ
ពិតជាមានមោទនភាពមិនខុសពីចាន់ រតនាលើទឹកដីប្រទេសម៉ាឡេស៊ី កីឡាការិនីខ្មែរ-អាមេរិក ឯម សុវណ្ណារីធ្វើបានជ័យជម្នះក្នុងការបង្ហាញខ្លួនលើដំបូងលើសង្វៀន ONE Championship។
កីឡាការិនីវ័យ២៦ឆ្នាំដែលវាយតំណាងឲ្យកម្ពុជាបានបញ្ចប់ដៃគូដែលមានបទពិសោធន៍ច្រើនជាងខ្លួន Iryna Kyselova ឲ្យអាជ្ញាកណ្ដាលបញ្ឈប់ត្រឹមទឹកមួយ។ ក្រោយបញ្ចប់ការប្រកួតលឿនបែបនេះ សុវណ្ណារីបាននិយាយពីអារម្មណ៍ខ្លួនថា នាងពិតជាសប្បាយចិត្ត ហើយចំពោះដៃគូប្រកួតលើកនេះអាចនិយាយបានថាល្អជាងដៃគូមុនៗ។
ប៉ុន្តែរឿងដែលកាន់តែគូឲ្យចាប់អារម្មណ៍ខ្លាំង ក្នុងចំណោម៣ប្រកួតកន្លងទៅគិតទាំងប្រកួតនេះ សុវណ្ណារីបានវាយឲ្យដៃគូបោះបង់ការប្រកួតត្រឹមទឹកមួយទាំងអស់។ នេះជាកំណត់ត្រាថ្មីមួយទៀតសម្រាប់សុវណ្ណារីផ្ទាល់ ហើយនាងសង្ឃឹមប្រកួតៗអាចនឹងធ្វើបានល្អដូចនេះទៀត។
ការប្រកួតក្នុងប្រទេសម៉ាឡេស៊ីគឺជាការហោះហើរជាលើកដំបូងរបស់កីឡាការិនីកើតលើដីសហរដ្ឋអាមេរិក ឯម សុវណ្ណារីមកកាន់តំបន់អាស៊ី។ ពេលអនាគតនាងពិតជាមានបំណងចង់មកប្រទេសកម្ពុជាណាស់៕