River Plate ផ្ដួល Boca Juniors នៅម៉ោងបន្ថែមលើកពាន Libertadores
- 2018-12-10 02:04:06
- ចំនួនមតិ 0 | ចំនួនចែករំលែក 0
River Plate ផ្ដួល Boca Juniors នៅម៉ោងបន្ថែមលើកពាន Libertadores
ចន្លោះមិនឃើញ
គ្រាប់បាល់របស់ Juan Quintero នៅម៉ោងបន្ថែមវគ្គ Extra time បានជួយ River Plate វាយបកយកឈ្នះ Boca Juniors ៣ទល់នឹង១ ក្នុងការប្រកួតវគ្គផ្ដាច់ព្រ័ត្រ Copa Libertadores។
ជំនួបនៅទឹកដីប្រទេសអេស្ប៉ាញ Quintero បានស៊ុតបញ្ចូលទីនៅនាទី១០៩ មុនពេលមិត្តរួមក្រុម Gonzalo Martinez បន្ថែម១គ្រាប់ទៀតជួយ River Plate យកឈ្នះ ៥-៣ គិតទាំងពីរជើង។
នេះគឺជាលើកដំបូងក្នុងរយៈពេល៥៨ឆ្នាំដែលក្រុមយក្សរបស់អាហ្សង់ទីន មានមូលដ្ឋាននៅរដ្ឋធានី Buenos Aires ជួបគ្នានៅវគ្គផ្ដាច់ព្រ័ត្រពាន Copa Libertadores។ កាលពីជើងទីពីរក្រុមទាំងពីរបញ្ចប់ក្នុងលទ្ធផល ២ទល់នឹង២ប៉ុណ្ណោះ។
មែនទែនទៅជើងទីពីរត្រូវធ្វើថ្ងៃទី២៤ វិច្ឆិកា ប៉ុន្តែត្រូវពន្យារពេល និងប្ដូរទីលានប្រកួតដោយសារមានការវាយប្រហារពីអ្នកគាំទ្រ River Plate ធ្វើឲ្យកីឡាករមួយចំនួនរបស់ Boca Juniors រងរបួស និងស្លុតស្មារតី៕