ថតបានផ្ទាំងទឹកកកចម្លែកបំផុតលើទន្លស្កុតឡែន ធ្វើឲ្យភ្ញាក់ផ្អើលគ្រប់គ្នា (មានវីដេអូ)

2018-12-10 06:30:22
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូមួយខ្សែ កំពុងធ្វើឲ្យមានការចាប់អារម្មណ៍ខ្លាំងដោយសារមានផ្ទាំងទឹកកកទំហំខុសៗគ្នាជាច្រើនគ្រប់ដណ្ដប់ទន្លេមួយក្នុងប្រទេសស្កុតឡែន។

បាតុភូតដ៏កម្រនេះ បានកើតឡើងនៅទន្លេ Helmsdale ដែលធ្វើឲ្យអ្នកថតរូបមួយក្រុមនាំគ្នាឈប់ដើម្បីផ្ដិតយកទិដ្ឋភាពដ៏ចម្លែក។ អ្នកថតរូបវ័យ ៣១ឆ្នាំឈ្មោះ Daniel Norrie បានថតរូប និងវីដេអូនៃផ្ទាំងទឹកកកដែលមានរៀងដូចនំផេនខេកដែលគ្របដណ្ដប់ពាសពេញទន្លេ។ លោក Daniel បានធ្វើដំណើរឆ្លងកាត់ផ្លូវ Kildonan កាលពីថ្ងៃពុធ ក៏ស្រាប់តែជួបប្រទះហេតុការណ៍ដ៏ចម្លែកខាងលើ។ យោងតាមអ្នកជំនាញឲ្យដឹងថា ផ្ទាំងទឹកកកទាំងនេះអាចកើតឡើងដោយសារលក្ខខណ្ឌសីតុណ្ហភាពដ៏ជាក់លាក់មួយ ដែលភាគច្រើនត្រូវគេឃើញនៅសមុទ្រ Baltic នៅអាមេរិកខាងជើង និងកាណាដា។

ទោះយ៉ាងណាក៏ដោយ អ្នកថតរូបខាងលើ បានបង្ហោះរូបភាព និងវីដេអូនៃផ្ទាំងទឹកកកចម្លែកទាំងនេះទៅក្នុងបណ្ដាញសង្គម ហើយទទួលបានការចាប់អារម្មណ៍និងភ្ញាក់ផ្អើលខ្លាំងដោយអ្នកខ្លះនិយាយថាពិតជាទិដ្ឋភាពកម្រឃើញណាស់៕