Ospina ជឿជាក់ Napoli នឹងអាចទម្លាក់ Liverpool ចេញពី UCL យប់នេះ
- 2018-12-11 02:02:55
- ចំនួនមតិ 0 | ចំនួនចែករំលែក 0
Ospina ជឿជាក់ Napoli នឹងអាចទម្លាក់ Liverpool ចេញពី UCL យប់នេះ
ចន្លោះមិនឃើញ
David Ospina អ្នកចាំទីរបស់ក្រុម Napoli បាននិយាយថា ក្លឹបរបស់គេនឹងអាចបញ្ចប់ក្ដីសង្ឃឹមរបស់ Liverpool នៅយប់នេះ។ ក្រុមលោក Jurgen Klopp ត្រូវការឈ្នះលើ Napoli ត្រឹមតែ ១-០ ប៉ុណ្ណោះនៅ Anfield ដើម្បីបានឡើងទៅវគ្គ១៦ក្រុមចុងក្រោយ។
Ospina ដែលខ្ចីជើងពី Arsenal បានលើកឡើងមុនការប្រកួតថា៖ “វាគឺជាឱកាសល្អបំផុតមួយសម្រាប់ពួកយើង។ ពួកគេគឺជាដៃគូដ៏ល្អ ហើយពួកយើងដឹង ពួកយើងត្រូវងើបតទល់នឹងក្រុមខ្លាំងមួយ។ ប៉ុន្តែពួកយើងនៅមានគ្រូនិងកីឡាករល្អៗ។ ពួកយើងមានទំនុកចិត្តនឹងអាចឈានទៅវគ្គបន្ត Champions League”។
កាលពីប្រកួតជើងទីមួយរវាងក្រុមទាំងពីរ Ospina ក៏បានរួមចំណែកជួយ Napoli ឈ្នះ Liverpool ១-០ ក្នុងដីខ្លួនឯងនាប្រទេសអ៊ីតាលី។ រាត្រីនេះក្រុមទាំងពីរត្រូវប៉ះគ្នាម៉ោង ៣:០០នាទីរំលងអាធ្រាត្រ ប្រសិន Liverpool ចាញ់ នោះពូកគេនឹងចាកចេញពី UCL ហើយ៕