រយៈពេល៧ឆ្នាំ ធ្វើការជាប់គ្មានទំនេរ១ថ្ងៃ តែពេលនេះ D.O មានពេលឈប់សម្រាកនឹងគេហើយ
- 2018-12-11 03:53:33
- ចំនួនមតិ 0 | ចំនួនចែករំលែក 0
រយៈពេល៧ឆ្នាំ ធ្វើការជាប់គ្មានទំនេរ១ថ្ងៃ តែពេលនេះ D.O មានពេលឈប់សម្រាកនឹងគេហើយ
ចន្លោះមិនឃើញ
D.O សមាជិកស្ងៀមស្ងាត់ប្រចាំក្រុម EXO បានផ្ដល់បទសម្ភាសមួយជាមួយនឹង Star News ស្របពេលភាពយន្តខ្នាតធំថ្មីមានចំណងជើងថា "Swing Kids” ដល់ពេលចាក់បញ្ចាំង។
សមាជិកដែលបានសម្រែកម្នាក់ទៀតបន្ទាប់ពី Chen និង Baekhyun នេះពិតជារវល់បំផុតទាំងការងារជាតារាចម្រៀង និងសម្ដែង ចាប់តាំងពីចូលសិល្បៈជាផ្លូវការតាំងពីខែមេសា ឆ្នាំ ២០១២។
នៅពេលសួរថា៖ "នៅពេលណាដែលអ្នកសម្រាក?” D.O ឆ្លើយ៖ "ឥឡូវមានដំណឹងល្អ! ឆ្លងកាត់ពេលវេលា ៧ឆ្នាំមកនេះ ខ្ញុំជាប់ធ្វើការរហូត ស្របពេលសមាជិករួមក្រុមផ្សេងទៀត បានដើរលេងសម្រាកលម្ហែ។ ប៉ុន្តែទីបំផុតនៅខែ មករា ខាងមុខនេះខ្ញុំមានពេលសម្រាកដែរហើយ”។
តារាចម្រៀងកើតឆ្នាំ ១៩៩៣នេះ បន្តទាំងរំភើបថា៖ "ខ្ញុំមិនទាន់សម្រេចថានឹងទៅណាទេ ខ្ញុំមិនទាំងដឹងថា គួរធ្វើអ្វីទៀត។ ប៉ុន្តែ Chanyeol បានស្នើថា យើងគួរតែដើរលេងជុំគ្នា ប៉ុន្តែខ្ញុំអត់ទាន់តបចម្លើយទៅកាន់គាត់នៅឡើយ។ ខ្ញុំប្រហែលជាត្រូវដើរលេងជាមួយសមាជិកទាំងអស់ ខ្ញុំកំពុងគិតថា ត្រឹមរយៈពេល ៦ថ្ងៃ យើងអាចចំណាយពេលយ៉ាងណាឲ្យមានន័យបំផុត"៕