មកលើកនេះ Bella ត្រូវហ្វេនកម្ពុជា Surprise ដាច់ផ្ងារពេលធ្វើរឿងនេះដាក់
- 2018-12-11 06:00:18
- ចំនួនមតិ 0 | ចំនួនចែករំលែក 0
មកលើកនេះ Bella ត្រូវហ្វេនកម្ពុជា Surprise ដាច់ផ្ងារពេលធ្វើរឿងនេះដាក់
ចន្លោះមិនឃើញ
តារាសម្ដែង Bella Ranee បានធ្វើដំណើរមកដល់ប្រទេសកម្ពុជានៅវេលាម៉ោង ៣សៀល ដោយមានការទទួលស្វាគមន៍ពីអ្នកគាំទ្រជាច្រើន នៅព្រលានយន្តហោះភ្នំពេញអន្តរជាតិ កាលពីថ្ងៃទី ១០ ខែធ្នូម្សិលមិញ។
វត្តមានជាថ្មីម្ដងទៀតនៅលើទឹកដីកម្ពុជាលើកនេះ Bella រំលេចសម្រស់យ៉ាងស្រស់ស្អាត ជាមួយឈុតខោអាវពណ៌ផ្កាឈូក និងស្បែកជើងប៉ាតា អមដោយទឹកមុខញញឹមប្រិមប្រិយ បង្ហាញភាពរីករាយមកកាន់អ្នកគាំទ្រកម្ពុជាទាំងអស់។
ទិដ្ឋភាពដែលគួរឲ្យភ្ញាក់ផ្អើលនៅពេលនោះគឺ ក្រុមអ្នកគាំទ្រតារាស្រីរូបនេះនៅកម្ពុជា បាន Surprise នាងនូវនំខួបកំណើតពណ៌ផ្កាឈូកគួរឲ្យភ្នែក។ ទឹកមុខម្ចាស់ខួបនៅពេលនោះពិតជាបញ្ជាក់ឲ្យដឹងថា នាងរំភើបកម្រិតណា។ ទោះបីខួបនៅថ្ងៃទី ២៤ ខែធ្នូឯណោះ ប៉ុន្តែយ៉ាងណានេះជាពេលវេលាកម្រ ហើយកាន់តែសំខាន់ ហ្វេនៗអាចបង្ហាញពីក្ដីស្រឡាញ់ដល់តារាក្នុងដួងចិត្តរបស់ខ្លួនផ្ទាល់។
ដោយឡែកពេលនិយាយ ក្នុងពេលចូលរួមកម្មវិធីពេលយប់ Bella ក៏បានទម្លាយអារម្មណ៍ពិតថា នាងកក់ក្ដៅបំផុត ហើយរំភើបរីករាយនឹងការស្វាគមន៍របស់អ្នកគាំទ្រទាំងអស់ចំពោះនាងណាស់៕