មង្គលការកូនមហាសេដ្ឋីឥណ្ឌាស្អែកនេះ នឹងចំណាយលុយច្រើនបំផុត មិនធ្លាប់មានពីមុនមក

2018-12-11 07:12:08
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី១២ ខែធ្នូ ឆ្នាំ២០១៨ ស្អែកនេះ កូនស្រីមហាសេដ្ឋីឥណ្ឌា Mukesh Ambani នឹងត្រូវរៀបមង្គលការ ជាមួយនឹងកូនប្រុសមហាសេដ្ឋីឥណ្ឌា Ajay Piramal។

កូនកំលោះ Anand (ឆ្វេងដៃ) និង កូនក្រមុំ Isha (ស្តាំដៃ)

ពិធីមង្គលការរវាងកូនស្រីមហាសេដ្ឋីប្រេង និងទូរគមនាគមន៍មានទ្រព្យសម្បត្តិច្រើនបំផុតនៅអាស៊ី ឈ្មោះ Isha ជាមួយនឹងកូនប្រុសមហាសេដ្ឋីឧស្សាហកម្ម ឈ្មោះ Anand នឹងត្រូវចំណាយលុយប្រមាណជា ១០០លានដុល្លារឯណោះ។ នាង Isha គឺជាកូនដំបូងរបស់លោក Mukesh Ambani ដែលនឹងត្រូវរៀបមង្គលការ។

ភ្ញៀវកិត្តិយសត្រូវបានអញ្ជើញឲ្យចូលរួមពិធីមង្គលការដែលធ្វើឡើងនៅក្នុងទីក្រុង Udaipur នៃប្រទេសឥណ្ឌា មានចាប់ពីតារាចម្រៀងល្បីឈ្មោះ ដូចជា Beyonce រហូតដល់អ្នកនយោបាយអាមេរិក Hillary Clinton និង មហាសេដ្ឋីជំនួញ Henry Kravis ជាដើម។

នាង Isha (ឆ្វេងដៃ) ថតជាមួយ លោកស្រី Hillary Clinton (កណ្តាល)

គួរបញ្ជាក់ថា ចំនួនភ្ញៀវកិត្តិយសដែលត្រូវចូលរួមពិធីខាងលើមានច្រើនខ្លាំង រហូតធ្វើឲ្យមហាសេដ្ឋីខាងលើកក់សណ្ឋាគារលំដាប់ ៥ យ៉ាងហោចណាស់ ៥អគារដើម្បីទទួលភ្ញៀវ។ មិនតែប៉ុណ្ណោះ ពួកគេនឹងរៀបចំជើងហោះហើរជាង ១០០ ដើម្បីដឹកភ្ញៀវកិត្តិយសទៀតផង។

យ៉ាងណាមិញ ក្រោយចប់ពិធីមង្គលការ គូស្វាមីភរិយាថ្មីថ្មោងខាងលើ នឹងត្រូវផ្លាស់ទៅរស់នៅក្នុងវិមានតម្លៃ ៦៤លានដុល្លាររបស់ពួកគេ នៅឯទីក្រុង Mumbai៕