ថៃ នៅតែជាប់លេខ១ ប្រទេសសម្បូរគ្រោះថ្នាក់ចរាចរបំផុតនៅអាស៊ី
- 2018-12-11 08:08:05
- ចំនួនមតិ 0 | ចំនួនចែករំលែក 0
ថៃ នៅតែជាប់លេខ១ ប្រទេសសម្បូរគ្រោះថ្នាក់ចរាចរបំផុតនៅអាស៊ី
ចន្លោះមិនឃើញ
របាយការណ៍ចុងក្រោយបំផុតដែលបានចេញផ្សាយដោយអង្គការសុខភាពពិភពលោក World Health Organization (WHO) បង្ហាញថា បញ្ហាសុវត្ថិភាពចរាចរនៅក្នុងប្រទេសថៃ មិនទាន់មានការប្រសើរឡើងខ្លាំងនៅឡើយទេ។
របាយការណ៍ថ្មីបង្ហាញឲ្យឃើញថា អត្រាមនុស្សស្លាប់ដោយសារគ្រោះថ្នាក់ចរាចរនៅក្នុងប្រទេសថៃ មានចំនួន ៣២,៧នាក់ក្នុងចំណោម១ម៉ឺននាក់ ប្រសើរជាងឆ្នាំ២០១៥ ដែលមានចំនួន ៣៦,២នាក់ក្នុងចំណោម១ម៉ឺននាក់ ធ្វើឲ្យថៃនៅតែបន្តឈរលើកំពូលតារាង ក្នុងចំណោមប្រទេសនៅអាស៊ី ខណៈចំណាត់ថ្នាក់សកលគឺ លេខ៦។
របាយការណ៍ដែលបានចុះផ្សាយកាលពីថ្ងៃសុក្រសប្ដាហ៍មុន មានផ្ទុកទិន្នន័យពីប្រទេសចំនួន ១៧៥ បានប្រមាណថា ជារៀងរាល់ឆ្នាំមានមនុស្ស ជាមធ្យមចំនួន ២២ ៤៩១នាក់បានស្លាប់នៅលើដងផ្លូវប្រទេសថៃ។
យ៉ាងណាមិញ ក្នុងចំណោមប្រទេសជិតខាងនៅអាស៊ីអាគ្នេយ៍របស់យើង ប្រទេសវៀតណាមបានឈរនៅលំដាប់លេខ២ ជាមួយនឹងអត្រាអ្នកស្លាប់ ២៦,៤នាក់ និង ម៉ាឡេស៊ី ជាប់លេខ៣ ជាមួយអត្រាអ្នកស្លាប់ ២៣,៦នាក់។ សិង្ហបុរី នៅតែរក្សាតំណែងជាប្រទេសមានសុវត្ថិភាពបំផុត ជាមួយនឹងអត្រាអ្នកស្លាប់ដោយសារគ្រោះថ្នាក់ចរាចរត្រឹមតែ ២,៨នាក់ប៉ុណ្ណោះ៕
ចុចអាន៖