ស្ថិតិត្រួសៗពីគូសំខាន់នៅ Champions League យប់នេះ
- 2018-12-11 10:35:20
- ចំនួនមតិ 0 | ចំនួនចែករំលែក 0
ស្ថិតិត្រួសៗពីគូសំខាន់នៅ Champions League យប់នេះ
ចន្លោះមិនឃើញ
ការប្រកួតបញ្ចប់ពូលកាន់តែខិតជិតមកដល់ក្នុងនោះ នៅយប់នេះនឹងមានក្រុមសំខាន់ៗមួយចំនួនដូចជា Tottenham, Inter, Paris Saint-Germain និង Liverpool កំពុងស្វែងរកឱកាសទៅវគ្គបន្តស្របពេលក្រុមមួយចំនួនទៀត ស្វែងរកកៅអី Europa League។ មុនការប្រកួតមកដល់យើងទៅមើលស្ថិតិរបស់គូពិសេសៗមួយចំនួននៅខាងក្រោម៖
Barcelona v Tottenham
ចាប់តាំងពីរដូវកាល ១៩៧៦-៧៧ មក Barcelona លេងចាញ់ក្រុមអង់គ្លេសតែម្ដងគត់នៅ៣០ប្រកួតក្នុងទឹកដី ដោយចាញ់ Liverpool ១ទល់នឹង២ កាលពីខែកុម្ភៈ ឆ្នាំ២០០៧។ ខ្សែប្រយុទ្ធ Lionel Messi ស៊ុតបញ្ចូលទីក្រុមមកពីអង់គ្លេស២២គ្រាប់នៅ Champions League ច្រើនជាងកីឡាករណាទាំងអស់ ( Ronaldo បាន១២គ្រាប់)។
Inter v PSV
Inter ចាញ់២ ក្នុងចំណោម៥ប្រកួតនៅ Champions League វគ្គចែកពូល ក្នុងទឹកដី (ឈ្នះ២ និងចាញ់១)។ Luuk de Jong បានស៊ុតបញ្ចូលទី៣ប្រកួតចុងក្រោយនៅ Champions League ឲ្យ PSV បើស៊ុតចូលយប់នេះទៀតគឺនឹងតាមស្មើកំណត់ត្រាស៊ុតចូល៤ប្រកួតជាប់គ្នាដូចវីរបុរសហូឡង់ផ្សេងទៀតមាន Danny Koevermans និង Ruud van Nistelrooy។
Red Star Belgrade v Paris Saint-Germain
PSG មិនឈ្នះសោះក្នុង៤ប្រកួតក្រៅដីនៅ Champions League។ វាជាកំណត់ត្រាអាក្រក់បំផុតរបស់ពួកគេគិតចាប់ពីឆ្នាំ២០១២មក។ Neymar ធ្វើបាន Hat trick កាលប៉ះ Red Star ជើងទីមួយ។ កីឡាករដែលធ្វើបាន Hat trick ២ដងលើក្រុមតែមួយនៅ Champions League គឺ Luiz Adriano។
Liverpool v Napoli
Liverpool មិនដែលចាញ់នោះទេនៅ១៨ប្រកួតចុងក្រោយនៅ Anfield សម្រាប់ពាន Champions League (ឈ្នះ១៣ ស្មើ៥)។ លើកចុងក្រោយដែលពួកគេចាញ់ក្នុងទឹកដីគឺ ទល់នឹង Real Madrid កាលពីឆ្នាំ២០១៤។ Mohamed Salah ស៊ុតបញ្ចូលទីនៅ Champions League ៨គ្រាប់ ក្នុង៨ប្រកួតនៅ Anfield។ មានតែ Steven Gerrard ប៉ុណ្ណោះដែលស៊ុតក្នុងទឹកដីបានច្រើនជាងកីឡាករសញ្ជាតិអេហ្ស៊ីបរូបនេះ (១៤គ្រាប់)៕