ផ្ទុះរឿងអាស្រូវផ្ទួនគ្នា ដល់ថ្នាក់បណ្តាញសង្គម Google+ ប្រកាសមុនកាលកំណត់

2018-12-11 12:28:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Google នឹងសម្រេចបិទចោលបណ្តាញសង្គម Google+ មុនការគ្រោងទុកបន្ទាប់ពីរកឃើញចន្លោះប្រហោងលើកទី ២ រហូតធ្វើឲ្យបែកធ្លាយព័ត៌មានឯកជនរបស់អ្នកប្រើប្រាស់រាប់លាននាក់។

ក្នុងសេចក្តីថ្លែងការណ៍ចុះផ្សាយកាលពីពេលថ្មីៗនេះ ខាងក្រុមហ៊ុនបានសង្កត់ធ្ងន់ថាមានអ្នកប្រើប្រាស់ប្រមាណ ៥២,៥ លាននាក់ បានរងផលប៉ះពាល់ពីចន្លោះប្រហោង (Bug) នាខែវិច្ឆិកា ដែលអាចអនុញ្ញាតឲ្យអ្នកអភិវឌ្ឍកម្មវិធីភ្ជាប់ទៅទិន្នន័យព័ត៌មានបុគ្គលបានដោយសេរី។

រំឭកថាកន្លងទៅកាលពីខែតុលា Google ក៏ធ្លាប់រកឃើញពីចន្លោះប្រហោងដែលបែកធ្លាយតាំងពីខែមិនាឆ្នាំ ២០១៨ ដោយអនុញ្ញាតឲ្យអ្នកអភិវឌ្ឍកម្មវិធីអាចភ្ជាប់ចូលទិន្នន័យអ្នកប្រើប្រាស់រួមមានទាំងឈ្មោះ អាសយដ្ឋាន មុខងារ អាយុ ធ្លាប់ប៉ះពាល់ដល់ ៥០០ ០០០ គណនីម្តងរួចមកហើយ។

ជាមួយនឹងកំហុសឆ្គងផ្ទួនគ្នានេះក្រុមហ៊ុនមានមូលដ្ឋាននៅរដ្ឋ California សហរដ្ឋអាមេរិក នឹងសម្រេចបិទចោល Google+ នា ខែមេសា ឆ្នាំ ២០១៩ លឿនជាង ៤ ខែធៀបនឹងការប្រកាសដំបូង ពោលគឺមានន័យថាអ្នកអភិវឌ្ឍនឹងមិនអាចភ្ជាប់ទៅកាន់ប្រព័ន្ធ API ក្នុងរយៈពេល ៩០ ថ្ងៃបន្ទាប់។