អាយុជាង ៦០ឆ្នាំហើយ ទើប Sarri មានឱកាសដឹកនាំក្លឹបកំពូលៗ
- 2018-12-11 13:01:13
- ចំនួនមតិ 0 | ចំនួនចែករំលែក 0
អាយុជាង ៦០ឆ្នាំហើយ ទើប Sarri មានឱកាសដឹកនាំក្លឹបកំពូលៗ
ចន្លោះមិនឃើញ
តាមពិតទៅអ្នកចាត់ការ Maurizio Sarri មិនមែនចេញពីថ្នាលនៃក្លឹបណាមួយទេ តែគាត់ជាអ្នកធនាគារមួយរូប តែមានចិត្តស្នេហាវិស័យបាល់ទាត់យ៉ាងជ្រាលជ្រៅ។ កាលពីជាង ៣០ឆ្នាំមុន គាត់ធ្វើការជាអ្នកធនាគារបណ្ដើរ និង ជាកីឡាករមិនអាជីពម្នាក់ ហើយគាត់បានកាន់ក្លឹបដំបូងនៅលីគទី ៨ របស់អ៊ីតាលី។
លុះឆ្នាំ ១៩៩១ គាត់ក៏កាន់ក្លឹបក្នុងលីគលំដាប់ទី ៧ ហើយជួយឲ្យក្លឹបនោះឡើងទៅលីគទី ៦ក្នុងរយៈពេល ២ឆ្នាំ។ ដើមទសវត្សឆ្នាំ ២០០០ Sarri ឈប់ពីការងារជាធនាគារដាច់ស្រេច ហើយក៏ចូលខ្លួនក្នុងបាល់ទាត់ពេញលេញតែម្ដង។ ក្រោយមកគាត់មានឱកាសដឹកនាំក្លឹបក្នុងលីគលំដាប់ ៤ និងជួយក្លឹបរបស់លោកឲ្យឡើងលីគទី ៣ ក្នុងរយៈពេលតែប្រមាណឆ្នាំប៉ុណ្ណោះ។
ក្នុងឆ្នាំ ២០១២ អាជីពរបស់លោកបានចាប់ផ្ដើមប្រែប្រួលយ៉ាងខ្លាំង ដោយលោកត្រូវបានតែងតាំងជាគ្រូបង្វឹកក្នុងក្លឹប Empoli ដែលកាលនោះស្ថិតក្នុង Serie B។ គាត់ក៏ជួយឲ្យក្លឹបឡើង Serie A ក្នុងរដូវកាល ២០១២/១៣ ពេលដែលលោកមានអាយុ ៥៥ឆ្នាំទៅហើយ។
៣ឆ្នាំក្រោយ លោកបានក្លាយជាគ្រូបង្វឹកក្លឹប Napoli ហើយជួយឲ្យក្លឹបឈរលេខ ២ ឬ លេខ ៣ ក្នុងអំឡុងដែលគាត់បានដឹកនាំ។ រហូតដល់ឆ្នាំ ២០១៨នេះ លោកត្រូវបានតែងតាំងជាអ្នកចាត់ការក្លឹប Chelsea ក្នុងលីគកំពូលអង់គ្លេសពេលដែលលោកមានអាយុ ៥៩ឆ្នាំទៅហើយ៕