អាស៊ានត្រូវការជ្រើសរើសនិស្សិតកម្ពុជាក្នុងឱកាសពិសេស ភ្ជាប់នឹងលក្ខខណ្ឌងាយៗ

2018-12-12 02:27:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងអប់រំ យុវជន និងកីឡា ប្រកាសជ្រើសរើសយុវជនចំនួន ១២រូប ដើម្បីចូលរួមសន្និសីទនិស្សិតអាស៊ាន និងជប៉ុន ដែលជាគម្រោងមួយនៃកម្មវិធីផ្លាស់ប្ដូរទំនាក់ទំនងយុវជនអាស៊ីបូព៌ា និងជប៉ុន នឹងប្រព្រឹត្តទៅចាប់ពីថ្ងៃទី១៨-២៦ ខែកុម្ភៈ ឆ្នាំ២០១៩ ។

សម្រាប់បេក្ខជន និងបេក្ខនារីមានបំណងចូលរួម ត្រូវមានលក្ខណៈសម្បត្តិដូចខាងក្រោម៖

ត្រូវមានអាយុចាប់ពី ១៨ទៅ ៣៥ឆ្នាំ (កំពុងសិក្សា ឬបញ្ចប់មហាវិទ្យាល័យ)
ចេះភាសាអង់គ្លេសអាចប្រជុំអនឡាញមុនចេញដំណើរ និងបំពេញសំណួរស្ទង់មតិក្រោយពេលចូលរួមកម្មវិធី
គោរពវិន័យល្អ មានបុគ្គលិកលក្ខណៈល្អ ចេះចែករំលែក និងក្រេបចំណេះដឹងពីកម្មវិធី
ត្រូវលះបង់ពេលវេលាសម្រាប់ការប្រជុំ ហ្វឹកហាត់ និងចូលរួមគ្រប់សកម្មភាពនៃកម្មវិធី
ជាសិស្សឆ្នើម ឬជាអ្នកបទពិសោធន៍ក្នុងភាពជាអ្នកដឹកនាំនៅក្នុងសាលាឬសហគម
ត្រូវមានគំនិតច្នៃប្រឌិត និងនាវានុត្តន៍
មានចំណង់ចំណូលចិត្តខាងសិល្បៈមានចំណេះដឹងទូលំទូលាយពីបញ្ហា បរិស្ថាន និងអាស៊ាន
ស្ម័គ្រចិត្តចូលរួមក្នុងសកម្មភាពផ្សេងៗ ដែលមានតម្រូវដោយនាយកដ្ឋាន និងអត្តយុវជន
មានបងប្អូនអាយុចន្លោះពី១០ ទៅ១៨ឆ្នាំ ចេះភាសាអង់គ្លេស និងមានលទ្ធភាពទទួលយុវជនយុវជនចំនួន០១រូប ឲ្យស្នាក់នៅហូបចុក និងរៀនសូត្រ រយៈពេល០៣ថ្ងៃ ចាប់ពីថ្ងៃទី ២៥ ដល់ថ្ងៃទី ២៧ ខែមីនា ឆ្នាំ ២០១៩ ខាងមុខ។
មានលទ្ធភាពទិញប័ណ្ណធានារ៉ាប់រងសុខភាពដោយខ្លួនឯងក្នុងអំឡុងពេលនៃកម្មវិធី
មានលទ្ធភាពចំណាយលើការទិញសម្ភារៈប្រើប្រាស់ វត្ថុអនុស្សាវរីយ៍
មានលិខិតឆ្លងដែនរួចជាស្រេច
និងមិនធ្លាប់បានចូលរួមកម្មវិធិរៀបចំឡើងដោយរដ្ឋាភិបាលជប៉ុននៅប្រទេសជប៉ុន (ក្នុងករណីដែលបេក្ខជន-បេក្ខនារី មិនគោរពតាមបទបញ្ជាផ្ទៃក្នុងរបស់កម្មវិធី ក្រសួងនឹងបញ្ឈប់មិនឲ្យចូលរួមក្នុងកម្មវិធីដោយឥតលក្ខខណ្ឌ) ។

សូមបញ្ជាក់ថា ការទទួលពាក្យចាប់ពីថ្ងៃផ្សាយដំណឹងនេះរហូតដល់ ថ្ងៃទី១៨ ខែធ្នូ ឆ្នាំ២០១៨។ នេះជាលេខទំនាក់ទំនងដាក់ពាក្យតាមរយៈ៖ ០១២ ៩៣៥ ៣៥៧ ឬ ការិយាល័យរដ្ឋបាលនៃនាយកដ្ឋានយុវជន អគារលេខ ១៥២ មហាវិថីព្រះនរោត្ដម សង្កាត់ទន្លេបាសាក់ ខណ្ឌចំការមន រាជធានីភ្នំពេញ៕

អត្ថបទ៖ ស៊ិន សាវ៉េត