ខ្លាំង! UCL រដូវកាលនេះមានតែអង់គ្លេសទេ ដែលមាន៤ក្រុមឡើងទៅវគ្គ១៦ក្រុម

2018-12-12 03:11:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពីពូល A ដល់ D បានបញ្ចប់ការប្រកួតទី៦របស់ជាស្ថាពរហើយកាលពីយប់មិញ ក្នុងនោះគេក៏បានឃើញក្រុមដែលឡើងនិងធ្លាក់រួចរាល់ដែរ។ ចំពោះយប់នេះវិញត្រូវដល់វេនពីពូល E ដល់ H លេងប្រកួតចុងក្រោយដើម្បីរកក្រុមឡើងទៅវគ្គ១៦ក្រុមចុងក្រោយ។

យ៉ាងណាមិញរឿងដែលពិសេសត្បិតពូលមួយចំនួនផ្សេងទៀតមិនទាន់លេងបង្គ្រប់ប្រកួតទី៦ តែក្រុមអង់គ្លេសទាំង៤ ដែលឡើងមកលេងនៅ Champions League រដូវកាលនេះបានឡើងទៅវគ្គ១៦ក្រុមចុងក្រោយទាំងអស់។

ប្រកួតណាត់ចុងក្រោយយប់មិញ Spurs ត្រូវប្រទាញប្រទង់ពិន្ទុគ្នាជាមួយ Inter Milanដើម្បីមានកន្លែងទៅវគ្គបន្ត។ ជាលទ្ធផលក្នុងការប្រកួត Spurs ប្រកួតស្មើជាមួយ Barcelona ១-១ ស្របពេល Inter ស្មើគ្នាជាមួយ PSV ១-១ ដូចគ្នា។ លទ្ធផលបែបនេះ Spurs និង Inter មាន៨ពិន្ទុស្មើគ្នា។ តែ Spurs មានតែមត្រង់គិតលើ Head to Head សម្រាប់ពីរប្រកួតពួកគេជួបគ្នាក្នុងពូល៖

Inter ២-១ Spurs
Spurs ១-០ Inter (ដោយសារតែ Spurs រកបានគ្រាប់ក្រៅដីដូច្នេះពួកគេជាអ្នកឈ្នះមានសិទ្ធិទៅវគ្គបន្ត)។

ចំណែកក្រុមអង់គ្លេសមួយទៀត Liverpool ក៏បានឡើងទៅវគ្គ១៦ក្រុមដែរ ក្រោយឈ្នះក្រុមប្រជែង Napoli ១-០។ Manchester City (ពូលF) Manchester United (ពូលH) មានពិន្ទុគ្រប់គ្រាន់ដូចគ្នាសម្រាប់ឈានទៅវគ្គបន្ត ត្បិតសល់មួយប្រកួតទៀតលេងយប់នេះ៕

អត្ថបទ៖ ហេង សុធារិទ្ធិ