អាជ្ញាធរកំណត់ថ្ងៃល្អ ឲ្យពលរដ្ឋត្រៀមប្រមូលទិញត្រី ធ្វើផ្អក ប្រហុក ឆ្អើរទុកប្រើ១ឆ្នាំ
- 2018-12-12 04:33:40
- ចំនួនមតិ 0 | ចំនួនចែករំលែក 0
អាជ្ញាធរកំណត់ថ្ងៃល្អ ឲ្យពលរដ្ឋត្រៀមប្រមូលទិញត្រី ធ្វើផ្អក ប្រហុក ឆ្អើរទុកប្រើ១ឆ្នាំ
ចន្លោះមិនឃើញ
រដ្ឋបាលជលផលប្រកាសថា ក្នុងរដូវនេសាទឆ្នាំ២០១៨-២០១៩នេះ បន្ទាប់ពីបានធ្វើការសង្កេតតាមដានលើកម្ពស់ទឹកក្នុងបឹងទន្លេសាប និងលំហូរទឹកដែលហូរចេញពីបឹងទន្លេសាប ឃើញថា ទឹកស្រកលឿនជាងបណ្ដាឆ្នាំកន្លងមក។ លក្ខណៈបែបនេះ ធ្វើឲ្យគន្លងដោយនៅតាមដងទន្លេសាប ក្នុងភូមិសាស្ត្ររាជធានីភ្នំពេញ និងខេត្តកណ្ដាល អាចនេសាទត្រីបានច្រើនក្នុងខែមិគសិរនេះ គឺចាប់ពីថ្ងៃទី ១៤ ដល់ ២០ ខែធ្នូ ឆ្នាំ២០១៨ ខាងមុខ ប្រសិនបើផ្ទៃមេឃស្រឡះល្អនិងគ្មានភ្លៀងកក់ខែ។
អាស្រ័យហេតុនេះ សូមប្រជាពលរដ្ឋដែលមានបំណងធ្វើប្រហុក ផ្អក ត្រីឆ្អើរ។ល។ សម្រាប់ទុកបរិភោគប្រចាំឆ្នាំ មេត្តាអញ្ជើញមកទិញត្រីក្នុងខែមិគសិរនេះឲ្យបានរួសរាន់ តាមពេលវេលា និងទីកន្លែង។ ជាមួយគ្នានេះ រដ្ឋបាលជលផលស្នើដល់អាជ្ញាធរមូលដ្ឋាន សមត្ថកិច្ចគ្រប់ជាន់ថ្នាក់សម្រួលដល់ប្រជាពលរដ្ឋធ្វើដំណើរទៅមក ស្នាក់នៅនិងដឹកជញ្ជូនផលិតផលត្រី កុំឲ្យរាំងស្ទះ។