អ្នកគាំទ្រឆេះដុំ ក្រោយសារព័ត៌មានមួយសម្ភាសពីភាពជោគជ័យរបស់ MONSTA X តែលើកយក BTS មកពាក់ព័ន្ធ
- 2018-12-12 04:46:47
- ចំនួនមតិ 0 | ចំនួនចែករំលែក 0
អ្នកគាំទ្រឆេះដុំ ក្រោយសារព័ត៌មានមួយសម្ភាសពីភាពជោគជ័យរបស់ MONSTA X តែលើកយក BTS មកពាក់ព័ន្ធ
ចន្លោះមិនឃើញ
កាលពីថ្ងៃទី ១០ ខែធ្នូកន្លងទៅនេះ សារព័ត៌មាន Access បានបញ្ចេញវីដេអូឃ្លីបធ្វើបទសម្ភាសជាមួយក្រុម MONSTA X នៅឯកម្មវិធីប្រគំតន្ត្រី "iHeartRadio Jingle Ball 2018” ដែលប្រព្រឹត្តទៅនៅ Madison Square Gardan ក្នុងទីក្រុងញូវយ៉ក។ ជាមួយគ្នានេះដែរ អ្នកគាំទ្រមានការខឹងសម្បារជាខ្លាំងចំពោះសារព័ត៌មាន Access ដែលបានផ្ដល់សំណួរយ៉ាងខ្វះសីលធម៌មួយចំពោះសមាជិកក្រុម MONSTA X។
តាមវីដេអូសម្ភាសនោះដែរ បង្ហាញឲ្យឃើញថា សមាជិកម្នាក់ក្នុងក្រុម MONSTA X បាននិយាយថា៖ "ពួកយើងបានបង្កើតប្រវត្តិសាស្ត្រមួយ"។ ភ្លាមៗនោះដែរ អ្នកសារព័ត៌មានរូបនោះបានសួរបញ្ជាក់ថា៖ "លោកបង្កើតប្រវត្តិសាស្ត្របានយ៉ាងម៉េចទៅ?” ជាមួយគ្នានោះដែរ នាងក៏បានលើកយកក្រុមចម្រៀង BTS មកនិយាយពីភាពជោគជ័យរបស់ក្រុមចម្រៀងនោះ ហើយថែមទាំងបានសួរក្រុម MONSTA X ឲ្យបង្ហាញពីអារម្មណ៍របស់ពួកគេ នៅពេលដឹងថា BTS ទើបតែទទួលឈរឈ្មោះប្រកួតពានរង្វាន់ Grammy បែបនេះ។
អ្វីដែលអ្នកគាំទ្រក្ដៅស្លឹកត្រចៀកកាន់តែខ្លាំងនោះ គឺនៅពេលវីដេអូធ្វើបទសម្ភាសនោះបានបញ្ចេញលើគណនី YouTube ផ្លូវការរបស់សារព័ត៌មាន Access ពួកគេបានដាក់ចំណងជើងថា "Monsta X បង្ហាញអារម្មណ៍រំភើបរីករាយខ្លាំង ក្រោយដឹងថា BTS ជាប់ឈ្មោះប្រកួតពានរង្វាន់ Grammy”៕
ទស្សនាវីដេអូខាងក្រោម៖