ផលិតកម្ម ធំទាំង ៤ ទម្លាយគម្រោងសម្រាប់តារាៗក្នុងឆ្នាំ ២០១៩

2018-12-12 08:38:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំ ២០១៨ ជិតបិទទំព័រជាស្ថាពរហើយ ហើយបើងាកទៅចំនួនផលិតកម្មធំៗរបស់កូរ៉េវិញក៏កំពុងត្រៀមខ្លួនសម្រាប់ឆ្នាំ ២០១៩ ជាមួយនឹងគម្រោងថ្មីៗជាច្រើនទាក់ទងនឹងស្នាដៃថ្មីៗរបស់តារារបស់ខ្លួន។

ផ្អែកតាមវិបសាយ ONSEN តើក្រុមហ៊ុនធំៗទាំង ៨របស់កូរ៉េត្រៀមខ្លួនយ៉ាងណាសម្រាប់ ឆ្នាំ ២០១៩ខាងមុខ សូមមកដឹងដូចតទៅ៖

១. ផលិតកម្ម YG

តារាផលិតកម្មនេះ នឹងបន្តផ្សព្វផ្សាយស្នាដៃថ្មីៗរបស់ខ្លួនឲ្យកាន់តែមានភាពទូលំទូលាយជាលក្ខណៈសកលលោក។ BLACKPINK នឹងមានការប្រគំតន្ត្រីទេសចរណ៍នៅទីក្រុងធំៗនៅអាស៊ី ព្រមទាំងកំពុងត្រៀមខ្លួនឈានលើឆាកអាមេរិកទៀត បន្ទាប់ពីចុះកុងត្រាជាមួយនឹង ក្រុមហ៊ុន Universal Music Group‘s Interscope Records។

ចំណែក WINNER ក៏នឹងចាប់ផ្ដើមប្រគំតន្ត្រីទេសចរណ៍របស់ខ្លួនចាប់ពីខែមករា ឆ្នាំក្រោយនេះដែរហើយ។

សម្រាប់បេក្ខជនជុំចុងក្រោយនៃកម្មវិធី YG Treasure Box នឹងត្រូវជ្រើសរើសនៅពាក់កណ្ដាលខែមករា ព្រមទាំងត្រូវត្រៀមខ្លួនសម្រាប់ចរញមុខជាលើកដំបូង។

BIGBANG ដែលបច្ចុប្បន្នកំពុងជាប់បំពេញកាតព្វកិច្ចក្នុងជូរទាហាន ក៏នឹងបញ្ចប់ជាបន្តបន្ទាប់នៅឆ្នាំ ២០១៩។

២. ផលិតកម្ម Big Hit

ឆ្នាំ ២០១៩ Big Hit នឹងបង្ហាញមុខក្រុមតារាថ្មីមួយទៀតជាផ្លូវការលើកដំបូង ក្រោយស្ងប់ស្ងាត់បង្ហាញជើងថ្មីក្នុងរយៈ ៦ឆ្នាំមកនេះ។ ស្របពេលជាមួយគ្នានេះ BTS នឹងបន្តការប្រគំតន្ត្រី "Love Yourself” ក្នុងប្រទេសជប៉ុន ក៏ដូចជានៅជុំវិញតំបន់អាស៊ី។

៣. ផលិតកម្ម JYP

តារាចម្រៀង TWICE បានបញ្ជាក់រួចមកហើយពីគម្រោងនៃការប្រគំតន្ត្រីទេសចរណ៍របស់ពួកគេនៅប្រទេសជប៉ុននាឆ្នាំក្រោយ។ ជាមួយគ្នានេះ GOT7 ក៏រំពឹងថានឹងមានអ្វីថ្មីៗ និងកាន់តែតែមមាញឹកនៅឆ្នាំក្រោយនេះ។ មួយវិញទៀត JYP នឹងបង្ហាញក្រុមនារីថ្មីរបស់ខ្លួនជាផ្លូវការ នៅដើមឆ្នាំ ២០១៩។

ចំណែកក្រុមក្មេងៗ Stray Kids វិញនឹងបន្តផ្សព្វផ្សាយស្នាដៃថ្មីទាំងក្នុង និងក្រៅប្រទេសជាបន្ត ក្រោយសម្រេចជោគជ័យខ្លាំងកាលពីខែតុលា ឆ្នាំ ២០១៨។

៤. ផលិតកម្ម CUBE

បន្ទាប់ពីសមាជិកក្រុម BTOB គឺ Minhyuk និង Changsub ចូលជាទាហានដូច Eunkwang សមាជិកដែលនៅសល់ក្នុងក្រុមទាំងប៉ុន្មាន នឹងផ្ដោតលើគម្រោងថ្មីជាតារាទោល ក្នុងនោះរួមមានការចូលរួមក្នុងកម្មវិធីកម្សាន្តផ្សេងៗ ក៏ដូចជាសម្ដែងជាដើម។

ចំណែកក្រុមថ្មីៗ ដួចជា CLC, PENTAGON និង (G)I-DLE ក៏គ្រោងនឹងចាប់ផ្ដើមគោលដៅថ្មីមួយជំហានទៀត ដោយបង្ហាញមុខជាបន្តបន្ទាប់មានលក្ខណៈទូលំទូលាយជាងមុន។ ចុងក្រោយគេ Lai Kuanlin នឹងចាប់អាជីពជាតារាសម្ដែងជាផ្លូវការ ក្រោយក្រុម Wanna One រំសាយ៕