ឲ្យក្មេងៗពាក់ឧបករណ៍ VR ប្រយ័ត្នជួបរឿងទាំងនេះ

2018-12-13 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឧបករណ៍ VR Headset អាចបង្ហាញទិដ្ឋភាពបែបសិប្បនិម្មិតនៅនឹងមុខអ្នកពាក់ ធ្វើឲ្យអ្នកពាក់មានអារម្មណ៍ថាដូចនៅក្នុងទិដ្ឋភាពមែនទែន។ ឧបករណ៍នេះ ក្មេងនឹងចូលចិត្តខ្លាំងសម្រាប់លេងហ្គេម និងមើលវីដេអូកម្រិត ៣៦០ ដឺក្រេ។ ប៉ុន្តែអាណាព្យាបាល ប្រហែលមើលឃើញពីការប្រើប្រាស់ជាមួយកម្មវិធីបែបអប់រំ។

ក្រុមហ៊ុនផលិតឧបករណ៍ VR Headset ភាគច្រើនកំណត់អាយុប្រើប្រាស់ចាប់ពី ១៣ ឆ្នាំឡើងទៅ។ ក៏មានការណែនាំពីបញ្ហាទាក់ទងនឹងសុខភាពដែរ រួមមានចុករោយភ្នែក (ប្រឹងមើលកៀក) និងអាចបណ្តាលឲ្យឈឺក្បាលបាន។

ទិដ្ឋភាពសិប្បនិម្មិតអាចធ្វើឲ្យក្មេងៗមានរបួស ពីការធ្វើត្រាប់ ឬអនុវត្តតាមរូបភាពមិនពិត ពីកន្លែងឈរជាក់ស្តែង។
ធ្វើឲ្យក្មេងៗមានអារម្មណ៍វិលមុខ ឬឈឺក្បាល ដោយឃើញវត្ថុធាតុពីចម្ងាយនៅលើអេក្រង់តូចមួយ។
មិនខុសគ្នានឹងការសម្លឹងមើលទូរទស្សន៍ ឬលេងហ្គេមធម្មតានោះទេ ទិដ្ឋភាពនៅខាងមុខនោះអាចប៉ះពាល់ដល់កែវភ្នែកបាន អាចថាប្រឹងមើលកៀកពេក។

ចំពោះការណែនាំ គួររង់ចាំឲ្យក្មេងៗដល់វ័យជំទង់ទើបអាចប្រើប្រាស់បាន ហើយកំណត់ពេលវេលាប្រើប្រាស់ឲ្យបានត្រឹមត្រូវកុំយូរពេក៕