អេមបាត់! ខ្សែភាពយន្តថ្មី៣រឿងផលិតដោយកូនខ្មែរ ចាក់បញ្ចាំងនៅលើ iflix

2018-12-13 04:57:21
ចំនួនមតិ 0 | ចំនួនចែករំលែក 0

ចន្លោះមិនឃើញ

«អនុស្សាវរីយ៍ថ្ងៃចូលឆ្នាំ» «អ្នកនាងម្ចាស់ឡឺកឺ» និង«ក្រមុំសៅកែ» ខ្សែភាពយន្តផលិតដោយកូនខ្មែរទាំង៣រឿងនេះនឹងដាក់ឲ្យមើលដោយសេរីនៅលើសេវាកម្មកម្សាន្តឈានមុខគេលើពិភពលោក iflix ចាប់ពីថ្ងៃនេះទៅហើយ។

តួអង្គសំខាន់ៗក្នុងថ្ងៃសម្ពោធរឿង «អនុស្សាវរីយ៍ថ្ងៃចូលឆ្នាំ»

អ្នកគ្រប់គ្រង iflix ប្រចាំប្រទេសកម្ពុជា លោក Harry Ward បាននិយាយឲ្យដឹងថា នេះជាការសហការវាងសេវាកម្សាន្ត iflix និងផលិតកម្មមហាហង្ស ដើម្បីបង្ហាញស្នាដៃកូនខ្មែរទៅកាន់ពិភពលោក ដោយសង្ឃឹមថាអ្នកទស្សនាទាំងអស់នឹងពេញចិត្តភាពយន្តខ្មែរដែលមានច្រើនរសជាតិ។ «ពួកយើងសប្បាយចិត្ត និងមានមោទនភាពដែលក្លាយជាដៃគូសហការគ្នាយ៉ាងល្អ ក្នុងការដាក់បញ្ចាំងភាពយន្តរបស់ផលិតកម្មមហាហង្ស ក្នុងសេវាកម្មកម្សាន្តរបស់ពួកយើង»។

ចំណែកលោក អិន សុភិន ប្រធានគ្រប់គ្រងផលិតកម្ម មហាហង្ស ក៏បានបង្ហាញគំនិតសុទិដ្ឋនិយមថា ការសហការនេះបង្ហាញពីការគាំទ្រឧស្សាហកម្មខ្សែភាពយន្តកម្ពុជា ហើយសង្ឃឹមថាការរួមសហការនេះនឹងមានភាពយូរអង្វែង ធ្វើឲ្យវិស័យភាពយន្តខ្មែររីកចម្រើនទៅមុខ។ «iflix ជាសេវាកម្មកម្សាន្តឈានមុខគេលើពិភពលោក សម្រាប់ទីផ្សារដែលកំពុងរីកចម្រើន គឹជាដៃគូដ៏ពិសេសសម្រាប់ពួកយើងក្នុងការរួមការងារជាមួយគ្នា» លោក អិន សុភិន ថ្លែង។

លោក អិន សុភិន ប្រធានគ្រប់គ្រងផលិតកម្ម មហាហង្ស

ខ្សែភាពយន្តខ្មែរទាំង៣រឿងខាងលើនេះមាននៅក្នុងចំណោមរឿងខ្មែរចំនួន១៦ដែលមានស្រាប់ និងកំពុងមានប្រជាប្រិយនៅលើ iflix។ ដើម្បីបានទស្សនារឿងទាំងនោះ ប្រិយមិត្តគ្រាន់តែចូលទៅកាន់គេហទំព័រ iflix.com និង ចុចJust Play!

ខាងក្រោមនេះជាប្រភទសាច់រឿង និងតួអង្គសំខាន់ៗក្នុងភាពយន្តខ្មែរទាំង៣ចំណងជើង៖

អនុស្សាវរីយ៍ថ្ងៃចូលឆ្នាំ

ប្រភេទ៖ កំប្លែងបែបមនោសញ្ចេតនា

តួអង្គ៖ Shahkrit Yamnarm (កំពូលតារាសម្តែងជនជាតិថៃ) Piyamarth Phounpaseuth, Thana Tantranon, Chong Van Dong, ខាត់ វ៉ៃហាំង (តារាសម្តែងខ្មែរ)។