ហេតុផលពីក្រោយការឧបត្ថម្ភសំលៀកបំពាក់ដល់អ្នកប្រដាល់ខ្មែររបស់អធិរាជម៉ូត ហ៊ូ រ៉េមមី
- 2018-12-14 01:19:22
- ចំនួនមតិ 0 | ចំនួនចែករំលែក 0
ហេតុផលពីក្រោយការឧបត្ថម្ភសំលៀកបំពាក់ដល់អ្នកប្រដាល់ខ្មែររបស់អធិរាជម៉ូត ហ៊ូ រ៉េមមី
ចន្លោះមិនឃើញ
តារាឆ្នៃម៉ូតសំលៀកបំពាក់ល្បីឈ្មោះ ហ៊ូ រ៉េមមី ពីមុនជីវិតរបស់លោកក៏មានការលំបាក និងតស៊ូជម្នះឧបសគ្គជាច្រើនរាប់មិនអស់ទៅហើយ ដូច្នេះអ្វីក៏ធ្លាប់ឆ្លងកាត់ដែរ យ៉ាងណាមិញអ្នកប្រដាល់កម្ពុជាភាគច្រើនក៏មិនខុសគ្នាដែរ គឺជាអ្នកមានជីវភាពក្រលំបាក។
កូនកាត់ខ្មែរ-អាមេរិក រូបនេះប្រាប់ឲ្យដឹងថា កីឡាករទាំងអស់សុទ្ធតែមានឆន្ទៈរួចហើយ ក្នុងការហ្វឹកហាត់ តស៊ូក្នុងការប្រកួតនានា ហើយការលះបង់វាមានទំហំធំធេងណាស់ ដើម្បីប្រទេសជាតិ និងជាតិសាសន៍របស់ខ្លួន ដូច្នេះជាហេតុផលដែលលោកជួយទៅតាមលទ្ធភាពដែលអាចធ្វើទៅបាន។ កីឡាករប្រដាល់ដែលទៅប្រកួតនៅក្រៅប្រទេសទាំងអស់ត្រូវបង្ហាញមុខចំពោះមនុស្សរាប់រយលាននាក់ ដូចនេះការស្លៀកពាក់ឲ្យស្អាតបាត ហំហានវាជារឿងសំខាន់ណាស់។ «ខ្ញុំគិតថាវាជួយបន្ថែមតម្លៃមួយផ្សេងទៀតពីលើអាជីពរបស់គាត់(កីឡាករ) វាជួយលើកមុខគាត់បានខ្ពស់ជាងមុន។ អ្វីដែលខ្ញុំព្យាយាមធ្វើគឺឲ្យពួកគាត់នូវអ្វីដែលថ្មី ដែលអ្នកគាំទ្រភាគច្រើនមិនធ្លាប់ឃើញពីមុនមក»។ សម្ដីលោក រ៉េមមី ហ៊ូ
លោកទទួលបានមតិល្អៗជាហូរហែពីអ្នកស្នេហាវិស័យកីឡា ដោយសារពួកគេបានឃើញតារាក្នុងដួងចិត្តរបស់ខ្លួនស្លៀកសំលៀកបំពាក់ស្អាតៗខុសប្លែកពីសព្វដង ហើយនេះជាអ្វីដែលអ្នកច្នៃម៉ូតរូបនេះ គិតថាសំខាន់ខ្លាំងសម្រាប់កម្ពុជាក្នុងការចាប់ផ្ដើមកសាងមុខមាត់របស់ខ្លួននៅក្នុងឆាកអន្តរជាតិធំៗ។
អធិរាជម៉ូតក៏ល្បីឈ្មោះរូបនេះ មើលឃើញពីទំនាក់ទំនងយ៉ាងជិតស្និតរវាងវិស័យប្រដាល់ ក៏ដូចជាវិស័យផ្សេងៗ ហើយគាត់បានសំណូមពរឲ្យប្រជាជនទូទៅ ពិសេសអ្នកអាជីពដ៏ទៃទៀត ឲ្យជួយរកវិធីគាំទ្រវិស័យកីឡាតាមគ្រប់មធ្យោបាយតាមជំនាញរៀងៗខ្លួន។
រ៉េមមី មានដើមកំណើតនៅស្រុកខ្មែរ តែត្រូវចាកស្រុកទៅរស់នៅទីក្រុងឡូសអេនជែលែស រដ្ឋកាលីហ្វ័ញ៉ា សហរដ្ឋអាមេរិក តាំងពីអំឡុងឆ្នាំ១៩៩០ មកម្លេះ។ ក្រោយពីបានសាងកេរ្តិ៍ខ្លួននៅទឹកដីហូលីវូត ក៏ដូចជាវិស័យច្នៃម៉ូតនៅទីនោះ គាត់ក៏បានសម្រេចចិត្តត្រលប់មកមាតុភូមិវិញ គោលបំណងប្រើប្រាស់ជំនាញរបស់ខ្លួនដើម្បីលើកស្ទួយប្រទេសកំណើតវិញ។ បច្ចុប្បន្នអ្នកច្នៃម៉ូតរូបនេះ ត្រូវបានគេស្គាល់ឈ្មោះជាអធិរាជម៉ូតល្បីទូទាំងប្រទេសកម្ពុជា ហើយថ្មីៗនេះបានជួយទំនុកបម្រុងខាងសំលៀកបំពាក់ឯកសណ្ឋានដល់កីឡាករកម្ពុជា។ ប៉ុន្មានខែនេះ លោក រ៉េមមី និងក្រុមទាំងមូលបានព្យាយាមកាត់សំលៀកបំពាក់ឲ្យអ្នកប្រយុទ្ធខ្មែរជាច្រើនរូបរួចហើយដូចជា ចាន់ រតនា រិន សារត្ន័ សុខ ធី និង មាស ម៉ើ មុនពួកគេបង្ហាញខ្លួននៅសង្វៀនអន្តរជាតិ ONE Championship នាពេលកន្លងមកនេះ។
កាំភ្លើងធំរបស់ថៃ ៤នាក់ ត្រលប់ជួយជម្រើសជាតិវិញ ត្រៀមAsian Cup 201
អ្នកចេះបើកម៉ូតូទឹក អាចចុះឈ្មោះចូលប្រកួតបានក្នុងកម្មវិធីបុណ្យសមុទ្រស្អែកនេះ
កីឡាករ ឈុន ពន់ រំពឹងថានឹងមានកម្មវិធីរត់ប្រណាំងកាន់តែច្រើន សម្រាប់ជនពិការ
អត្ថបទ៖ Matias Andres