អាចសាកបានដោយខ្លួនឯង ៧ ក្បាច់ជួយឲ្យ Apple Watch កាន់ថ្មបានយូរជាងមុន

2018-12-13 13:22:59
ចំនួនមតិ 0 | ចំនួនចែករំលែក 0

ចន្លោះមិនឃើញ

នាឡិកាឆ្លាតវៃ Apple Watch កំពុងទទួលបានការពេញនិយមពីសំណាក់អតិថិជន ជាមួយការផ្តល់អត្ថប្រយោជន៍ទាក់ទងនឹងការតាមដានសុខភាព បន្សំការប្រើប្រាស់មួយចំនួនដោយមិនចាំបាច់ដកស្មាតហ្វូនចេញពីហោប៉ៅ។

ប៉ុន្តែថាមពលថ្មក៏ជាកត្តាដ៏សំខាន់មួយសម្រាប់ម្ចាស់នាឡិកាតម្លៃខ្ទង់រយដុល្លារមួយនេះ ដោយវាផ្អែកទៅលើទំហំប្រើប្រាស់និងការយល់ដឹងរបស់អ្នកផ្ទាល់ថាតើមានមធ្យោបាយណាខ្លះអាចជួយពង្រឹងថាមពលថ្មឲ្យកាន់បានយូរជាងមុន។

៧.បិទចោលប្រព័ន្ធអ៊ីនធឺណិត Cellular:

ក្នុងកាលៈទេសៈខ្លះក៏ចាំបាច់ប្រើប្រាស់ ប៉ុន្តែបើអ្នកគិតថាមិនត្រូវការគួរណាធ្វើការបិទចោលជៀសវាងធ្វើឲ្យថាមពលថ្មហូរដូចទឹក។

លើផ្ទៃកម្មវិធីនាឡិកា អូសពីក្រោមមកលើ
ចុចលើរូបអង់តែនដើម្បីបិទ

៦.បិទមុខងារ Background Refresh:

មិនខុសពីឧបករណ៍ iOS ដោយកម្មវិធីជាច្រើននៅលើ Apple Watch នៅបន្តដំណើរការ ទោះអ្នកចាកចេញមក Home ក្តី នេះជាចំណុចតូចមួយធ្វើឲ្យថាមពលថ្មចុះអន់ថយលឿនបំផុត។

ចូលទៅកាន់កម្មវិធី iOS Watch លើទូរសព្ទ
ចូល General
ចុច Background App Refresh
បិទមុខងារ Background App Refresh ចោលតែម្តងឬចម្រាញ់ទុកកម្មវិធីសំខាន់។

៥.បិទមុខងារ Wake Screen:

លើកដៃមកអេក្រង់នឹងភ្លឺដោយស្វ័យប្រវត្តិ តើអ្នកគិតថាល្អដែរឬទេ បើចៃដន្យពេលខ្លះឧស្សាហ៍លើកដៃចុះឡើងតែញយនោះ?

ចូលទៅកាន់ Watch App
ចុចលើ General
ចុចលើ Wake Screen > ធ្វើការ Turn Off

៤.ការកំណត់ Notifications & Alerts

មិនប្រាកដថាការទទួលដំណឹងពីគ្រប់កម្មវិធីសុទ្ធតែមានប្រយោជន៍ បែបនេះអ្នកអាចកំណត់ដោយខ្លួនឯងបានឲ្យសល់កាន់តែតិចគឺកាន់តែល្អប្រសើរ។

ចូលទៅកាន់ iOS Watch App លើ iPhone
រើសយក Notifications
អាចកំណត់បិទបើកកម្មវិធីដែលចង់ឲ្យលោតសារផ្ញើជូនជាដំណឹង

៣.កំណត់ពន្លឺ:

ងាកមកលើអេក្រង់ ទម្លាប់ប្រើពន្លឺជះខ្លាំងជ្រុលក្រៅពីប៉ះពាល់ដល់ផ្នែកក៏ធ្វើឲ្យថាមពលថ្មស្រកលឿនដែរ។

លើ Apple Watch ចូលទៅ Settings
មើលត្រង់ Brightness & Text Size
ប្រើប៊ូតុង Digital Crown ដើម្បីកំណត់កម្រិតពន្លឺ

២.កំណត់រំញ័រ Haptic:

រំញ័រ Haptic លើ Apple Watch ចាប់ផ្តើមមានដូចទៅនឹងជំនាន់ iPhone 7/7 Plus ដោយវាខុសពីប្រភេទរំញ័រធម្មតា។ រំញ័រនេះនឹងលេចឡើងពេលយើងទទួលបាន Notification ឬសារសម្គាល់ណាមួយ ហើយក៏មិនប្រាកដថាអ្នករាល់គ្នាចង់បានបែបនេះនោះដែរ។

ចូលទៅ Settings លើនាឡិកា
មើលត្រង់ Sounds & Haptics
បិទចោល Prominent Haptics

១.បិទមុខងារ Sensor វាស់ស្ទង់ចង្វាក់បេះដូង:

Heart Rate Sensor ជាមុខងារសំខាន់បំផុតមួយនៅលើ Apple Watch នេះផ្អែកលើកាលៈទេសៈអ្នកប្រើប្រាស់ ប្រសិនបិទបានក៏ល្អ ព្រោះមិនសូវស៊ីថ្មខ្លាំង។

ចូលទៅ Privacy ក្នុង iOS Watch លើទូរសព្ទ
ត្រង់ Motion&Fitness

លើសពីនេះអ្នកក៏អាចប្រើប្រាស់មុខងារ Power Saving យកតែម្តង ព្រោះជាទូទៅមុខងារនេះនឹងធ្វើការផ្តាច់ចោលរាល់ការប្រើប្រាស់មិនសំខាន់ឬមិនចាំបាច់ ពោលគឺវានឹងបិទមុខងារអ៊ីនធឺណិតនិងវាស់ស្ទង់ចង្វាក់បេះដូងដោយស្វ័យប្រវត្តិ ក្នុងគោលដៅសន្សំថាមពលថ្មជាប្រចាំ។