ចំណាប់អារម្មណ៍របស់ Mourinho ចំពោះការដែលបានត្រឹមលេខ ២ ក្នុង Group Stage
- 2018-12-13 12:29:22
- ចំនួនមតិ 0 | ចំនួនចែករំលែក 0
ចំណាប់អារម្មណ៍របស់ Mourinho ចំពោះការដែលបានត្រឹមលេខ ២ ក្នុង Group Stage
ចន្លោះមិនឃើញ
អ្នកចាត់ការក្លឹប Manchester United លោក Jose Mourinho និយាយក្រោយពីប្រកួតរវាងក្លឹប Valencia និង ក្លឹប Manchester United ថា ការដែលបានឡើងទៅវគ្គ ១៦ក្រុមជារឿងល្អមួយ។
លោកបានលើកឡើងថា៖ " វាគ្មានអ្វីភ្ញាក់ផ្អើលនោះទេ (និយាយសំដៅការចាញ់ Valencia)។ ខ្ញុំគិតថា ឆ្លងផុតវគ្គនេះ ទៅវគ្គ ១៦ក្រុមជារឿងដ៏ជោគជ័យមួយ " ។
អ្នកចាត់ការសញ្ជាតិព័រទុយហ្គាល់នេះបានបន្តថា៖ " ការចាប់ឆ្នោតរើសគូប្រកួតក្នុងវគ្គក្រោយគ្មានអីខុសគ្នារវាងអ្នកលេខ ១ និង អ្នកលេខ ២ទេ។ ពេលខ្លះក្រុមដែលបញ្ចប់ក្នុងចំណាត់ថ្នាក់លេខ ២ ជាក្រុមដែលអ្នកជាប់លេខ ១មិនចង់ជួប " ។
Manchester United បានខកខានឈរកំពូលតារាងដោយសារតែការចាញ់ Valencia ២ ទល់នឹង ១ ពេលដែល Juventus ចាញ់ក្លឹបអ៊ីស្រាអែល Young Boys ក្នុងលទ្ធផលដូចគ្នា។
សូមបញ្ជាក់ផងដែរថា ការចាប់ឆ្នោតជ្រើសរើសគូប្រកួតក្នុងវគ្គ ១៦ក្រុមចុងក្រោយ នឹងធ្វើឡើងនៅថ្ងៃច័ន្ទ ទី១៧ ធ្នូ។ ការចាប់ឆ្នោតនេះ គឺចាប់ឲ្យក្រុមដែលមានចំណាត់ថ្នាក់លេខ ១ ទៅប៉ះក្រុមដែលមានចំណាត់ថ្នាក់លេខ ២ ហើយក្រុមមកពីប្រទេសតែមួយនឹងមិនជួបគ្នាទេក្នុងវគ្គនេះ៕