Sarri នឹងឲ្យកីឡាករកើតឆ្នាំ ២០០០លេង ខណៈកីឡាករ៨រូបនឹងអវត្តមាន
- 2018-12-13 13:07:05
- ចំនួនមតិ 0 | ចំនួនចែករំលែក 0
Sarri នឹងឲ្យកីឡាករកើតឆ្នាំ ២០០០លេង ខណៈកីឡាករ៨រូបនឹងអវត្តមាន
ចន្លោះមិនឃើញ
អ្នកចាត់ការក្លឹប Chelsea លោក Maurizio Sarri បាននិយាយក្នុងសន្និសីទថា លោកនឹងឲ្យកីឡាករសំខាន់ៗចំនួន ៥រូបសម្រាក ហើយបើកឱកាសឲ្យកីឡាករក្មេងៗលេងក្នុងប្រកួតប៉ះជាមួយក្លឹបហុងគ្រី Vidi ក្នុង UEFA Europa League។
បុរសជនជាតិអ៊ីតាលីនេះបានលើកឡើងថា៖ " ខ្ញុំសម្រេចចិត្តឲ្យកីឡាករដែលលេង ៣ប្រកួតក្នុង ៦ថ្ងៃសម្រាកក្នុងប្រកួតនេះ (ប៉ះនឹងក្លឹប Vidi) ដែលពួកគេមានដូចជា Kepa, Rudiger, Azpilicueta, Kante និង Hazard ហើយក្រុមយើងមានរបួស ៣នាក់ទៀត ( ខ្សែបម្រើ Kovacic, ខ្សែការពារ Cahill និង ខ្សែបម្រើ Moses) '' ។
លោកបានបន្តថា៖ " ប្រហែលជា Huson-Odoi នឹងចូលលេង ហើយ Ampadu ដែលមានអាយុ ១៨នឹងចូលលេងដែរ។ ខ្ញុំមិនគិតថា Manchester United ឬ Manchester City ឬ ក្លឹបធំៗផ្សេងទៀតបើកឱកាសឲ្យកីឡាករកើតឆ្នាំ ២០០០ចូលលេងបានច្រើននាទីទេ " ។
សូមបញ្ជាក់ថា មកទល់នឹងពេលនេះ Chelsea មិនទាន់ចាញ់មួយប្រកួតណាឡើយក្នុង ក្របខ័ណ្ឌទី ២អឺរ៉ុប ដោយក្លឹបនេះកំពុងឈរកំពូលតារាង និងឈ្នះគ្រប់ ៥ប្រកួត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
