ជីវិត James Ji ប្រែប្រួលយ៉ាងណា ក្រោយប្រកាសពីជីវិតស្នេហាជាសាធារណៈ

2018-12-14 02:22:35
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះ តារាសម្ដែង James Jirayu ត្រូវបានមហាជនផ្ដោតការចាប់អារម្មណ៍ថែមមួយកម្រិត ក្រោយបង្ហាញថាខ្លួនមានមិត្តស្រីជាសាធារណៈ។

ជាក់ស្ដែងក្នុងជំនួបជាមួយនឹងអ្នកសារព័ត៌មាននាពេលថ្មីៗនេះ James ត្រូវឆ្លើយសំណួរជាច្រើនទាក់ទងនឹងជីវិតរបស់លោក ក្រោយប្រាប់ថាមានគូស្នេហ៍។ តើវាអាចប្រែប្រួល ឬយ៉ាងណា សម្រាប់លោកដែលជាមនុស្សរបស់មហាជន ពេលប្រកាសរឿងនេះជាផ្លូវការ?

លោកបាននិយាយថា អ្វីគ្រប់យ៉ាងនៅតែដដែលដូចមុន គឺវាគ្មានអ្វីផ្លាស់ប្ដូរ ឬប្លែកអ្វីឡើយ។ ម្ចាស់ខ្លួនរូបនេះបន្ថែមទៀតថា អ្នកគ្រប់គ្នាកាន់តែយល់ច្បាស់ពីរឿងនេះ។

បន្ទាប់មកក្រុមអ្នកសារព័ត៌មានក៏សួរទៀត៖ "Great Warintorn បាននិយាយថាវាអាចប៉ះពាល់ជីវិតខាងក្រៅឆាកពេលនិយាយរឿងនេះចេញ ចុះចំណែកលោកវិញ?” James តបថា៖ "វាមិនមែនអ៊ីចឹងទេ។ បង Great គាត់មានជីវិតឯកជនរបស់គាត់។ ខ្ញុំស្និទ្ធជាមួយគាត់ អ៊ីចឹងខ្ញុំប្រាកដជាយល់ពីគាត់ច្បាស់។ សម្រាប់ខ្ញុំ ខ្ញុំគឺជាមនុស្សស្រួលទេ ហើយសម្រាប់រឿងនេះក៏មិនចង់ធ្វើឲ្យវាតឹងតែងពេកដែរ”។

ក្រុមអ្នកកាសែតសួរបន្ត៖ "តើមិត្តស្រីរបស់អ្នកលើកយករឿងដែលថា មហាជនផ្ដោតមកលើនាង មកនិយាយជាមួយអ្នកទេ?” James ឆ្លើយ៖ "អត់ទេ ដូចខ្ញុំធ្លាប់និយាយជាមួយគាត់អ៊ីចឹង គ្រប់យ៉ាងគឺធម្មតា ហើយបើរឿងដែលថានាងមិនអាចចេញទៅក្រៅបាននោះ គឺមិនមែនទេ។ សម្រាប់ខ្ញុំវិញ គឺធម្មតាៗ ពីមុនយ៉ាងម៉េច ឥឡូវក៏នៅតែដដែល។ រីឯពេលវេលាជួបជុំគ្នាវិញ ពួកយើងទៅក្រៅជាមួយគ្នាម្ដងម្កាល មិនញឹកញាប់ពេកទេ ហើយម្យ៉ាងនៅចុងឆ្នាំនេះ ខ្ញុំក៏រវល់ថតរឿងច្រើនដែរ"៕

ប្រភព៖ Thai Update ប្រែសម្រួល៖ យី សុធារី