គ្រាប់បាល់របស់ Son ត្រូវបានបោះឆ្នោតជាគ្រាប់បាល់ល្អជាងគេប្រចាំខែក្នុង PL
- 2018-12-14 13:43:14
- ចំនួនមតិ 0 | ចំនួនចែករំលែក 0
គ្រាប់បាល់របស់ Son ត្រូវបានបោះឆ្នោតជាគ្រាប់បាល់ល្អជាងគេប្រចាំខែក្នុង PL
ចន្លោះមិនឃើញ
ខ្សែប្រយុទ្ធក្លឹប Tottenham Hotspur កីឡាករ Son Heung-min បានឈ្នះរង្វាន់គ្រាប់បាល់ល្អជាងគេក្នុង Premier League ដោយការស៊ុតបាល់យ៉ាងស្អាត ពេលប៉ះនឹងក្លឹប Chelsea កាលពី ២សប្ដាហ៍មុន។
គ្រាប់បាល់មួយនេះ កើតចេញពីការអូសចេញពីស្លាបខាងស្ដាំបានយ៉ាងល្អ ហើយ Son បានញាក់កាត់ខ្សែការពារប្រេស៊ីល David Luiz និង ស៊ុតទម្លុះដៃអ្នកចាំទី Kepa Arrizibalaga បានយ៉ាងងាយ។
សូមបញ្ជាក់ផងដែរថា Son ឈ្នះពានរង្វាន់គ្រាប់បាល់ល្អជាងគេក្នុង Premier League នេះជាលើកទី ១ តាំងពីផ្ទេរមក Spurs នៅឆ្នាំ ២០១៥។ រូបគេក៏ជាកីឡាករអាស៊ីទីមួយ ដែលឈ្នះរង្វាន់នេះដែរ។
ដោយឡែកក្នុងខែវិច្ឆិកានេះ ពានអ្នកចាត់ការល្អជាងគេក្នុងលីគកំពូលអង់គ្លេសបានទៅលើ អ្នកចាត់ការក្លឹប Newcastle United លោក Rafa Benitez។ ចំណែកឯ កីឡាករល្អប្រចាំខែគឺបានទៅលើ ខ្សែស្លាប Manchester City កីឡាករ Raheem Sterling។
ខាងក្រោមនេះ ជាវីដេអូគ្រាប់បាល់របស់ Son ដែលជាប់ជាគ្រាប់បាល់ប្រចាំខែក្នុង Premier League៖៕