Klopp ថាមានវិធីជួសជុលខ្សែការពារត្រៀមទទួល Mourinho បើទោះជាតួសំខាន់៣នាក់របួស
- 2018-12-15 02:57:15
- ចំនួនមតិ 0 | ចំនួនចែករំលែក 0
Klopp ថាមានវិធីជួសជុលខ្សែការពារត្រៀមទទួល Mourinho បើទោះជាតួសំខាន់៣នាក់របួស
ចន្លោះមិនឃើញ
Jurgen Klopp ត្រៀមដាក់ Nathaniel Clyne ឲ្យលេងទល់នឹងក្រុមលោក Jose Mourinho ជាលើកដំបូងនៅ Premiere League ក្រោយអវត្តមាន៧ខែដោយសារបញ្ហារបួស។
ខ្សែការពារ Trent Alexander-Arnold មានរបួសជើងក្រោយប៉ះទង្គិចជាមួយ Napoli កាលពីពាក់កណ្ដាលសប្ដាហ៍ ខណៈដែល Joel Matip មានរបួសឆ្អឹងក និង Joe Gomez របួសកជើងហើយត្រូវសម្រាករហូតដល់ដើមឆ្នាំក្រោយ។
Klopp និយាយថា "Clyne ជាកីឡាករមានបទពិសោធន៍...។ យើងក៏មានជម្រើសផ្សេងទៀត ហើយដរាបណាយើងនៅមានជម្រើសវាគឺជាការល្អ"។
ជម្រើសខ្សែការពារ២ផ្សេងទៀតរបស់ Klopp ត្រូវគេជឿថាគ្រូបង្វឹកអាឡឺម៉ង់នឹងអាចបង្ខំចិត្តប្រើខ្សែការពារវ័យក្មេង២នាក់របស់ខ្លួន Rafa Camacho វ័យ១៨ឆ្នាំ និង Curtis Jones វ័យ១៧ឆ្នាំ។ នេះបើតាម Metro។
ហង្សក្រហមនៅពេលយកឈ្នះ Bournemouth ៤-០ កាលពីចុងសប្តាហ៍កន្លងមក James Milner ត្រូវបានទម្លាក់មកលេងជាខ្សែការពារស្លាបវិញដោយសារតែខ្វះខ្សែការពារ។
លោក Klopp កំពុងតែជួបវិបត្តិខ្សែការពារ ដែលក្រុមកំពូលតារាង Premiere League មួយនេះត្រូវតែជួសជុលជាបន្ទាន់នៅទីផ្សារដោះដូរកីឡាករនៅដើមឆ្នាំក្រោយ។
ដោយឡែកបិសាចក្រហមក៏មិនប្រសើរជាងហង្សក្រហមប៉ុន្មានដែរ។ កីឡាករជិត១តារាងកំពុងរងរបួស។ ខ្សែការពារ Marcos Rojo មានរបួសពេលប្រកួតជាមួយ Valencia។ Alexis Sanchez និង Victor Lindelof មិនអាចហោះទៅកាន់ Anfield ដោយសារមានរបួសសរសៃពួរនិងភ្លៅ។ Luke Shaw, Chris Smalling, Diogo Dalot, Matteo Darmian, McTominay និង Anthony Martial សុទ្ធតែរងរបួសទាំងអស់៕