Giroud ៖ "ឈ្នះពាន Premier League ជាក្តីសុបិន្តចុងក្រោយរបស់ខ្ញុំ"
- 2018-12-15 06:42:43
- ចំនួនមតិ 0 | ចំនួនចែករំលែក 0
Giroud ៖ "ឈ្នះពាន Premier League ជាក្តីសុបិន្តចុងក្រោយរបស់ខ្ញុំ"
ចន្លោះមិនឃើញ
Olivier Giroud មិនព្រមបោះបង់ក្តីសុបិនចុងក្រោយក្នុងការបន្ថែមពានរង្វាន់ Premiere League ទៅក្នុងបញ្ជីកិត្តិយសរបស់ខ្លួនឡើយ ហើយអតីតកីឡាកររបស់ Arsenal និង Montpellier ចង់លើកពានលីគកំពូលអង់គ្លេសជាង Champions League ទៅទៀត។ នេះបើតាម Dailymail ទើបបានចុះផ្សាយ។
ខ្សែប្រយុទ្ធសញ្ជាតិបារាំងផ្ទេរមកក្លឹបតោខៀវ Chelsea កាលពីខែមករា ហើយបានលើកពាន FA Cup ក្រោមអាណត្តិលោក Conte។
Giroud វ័យ៣២ឆ្នាំ បានប្រាប់ The Guardian ថា "ខ្ញុំចង់លេងឲ្យក្លឹបធំជាជាងបានចូលលេងរាល់សប្តាហ៍ជាមួយក្លឹបតូច ហើយខ្ញុំមានគោលដៅ"។
“ឈ្នះពាន Premier League ជាក្តីសុបិនចុងក្រោយរបស់ខ្ញុំក្នុងនាមជាកីឡាករ គឺធំជាងចិត្តចង់ឈ្នះ Champions League ទៅទៀត ពីព្រោះខ្ញុំដឹងថាវាតានតឹងប៉ុណ្ណាដើម្បីឈ្នះពានលីគកំពូលនេះ"។
Giroud បានផ្ទេរពី Arsenal មក Chelsea ក្នុងតម្លៃ ១៨ លានផោន (២២ លានដុល្លារ) បន្ទាប់ពីបានចំណាយពេល៦រដូវកាលនៅក្លឹបកាំភ្លើងធំមិនដែលឈ្នះពាន Premier League ហើយបានត្រឹមប៊ិះឈ្នះដោយឈរចំណាត់ថ្នាក់លេខ២កាលពីឆ្នាំ២០១៦។
Giroud ធ្លាប់ជួយក្លឹប Montpellier លើកពាន Ligue 1 បារាំងបានម្តងកាលពីឆ្នាំ២០១២ និង ជួយ Arsenal លើកពាន FA Cup ៣លើក ជួយ Chelsea ឈ្នះ FA Cup កាលពីរដូវកាលមុន ហើយ ពានដ៏ធំបំផុតដែល Giroud ធ្វើបាន ដែលសូម្បីតែ Messi ក៏មិនដែលស្គាល់រសជាតិនោះគឺជួយបារាំងឈ្នះពាន World Cup ២០១៨៕