ក្បាច់អបអរប៉េណាល់ទីរបស់ Ronaldo បានកាតលឿងមួយ
- 2018-12-16 02:58:44
- ចំនួនមតិ 0 | ចំនួនចែករំលែក 0
ក្បាច់អបអរប៉េណាល់ទីរបស់ Ronaldo បានកាតលឿងមួយ
ចន្លោះមិនឃើញ
១គ្រាប់របស់ Ronaldo យប់មិញគឺជាគ្រាប់បាល់ទី ៥០០០ របស់ Juventus នៅក្របខ័ណ្ឌ Serie A រាប់បញ្ចូលគ្រប់ពេលណាទាំងអស់ ហើយក៏ជាគ្រាប់បាល់ដែលជួយ Juventus យកឈ្នះម្ចាស់ផ្ទះ Torino ០-១ ដើម្បីបន្តកំណត់ត្រាមិនដែលចាញ់របស់ខ្លួន។
ប៉ុន្តែបាល់ប៉េណាល់ទីនៅនាទីទី៧០របស់តារាឆ្នើមព័រទុយហ្គាល់ត្រូវបានអាជ្ញាកណ្តាលថែមជូនកាតលឿងមួយទៀតឲ្យ Ronaldo ដោយសារតែក្បាច់អបអរ ដោយម្ចាស់ពាន Ballon d'Or ៥សម័យកាលរូបនេះ។
ក្រោយស៊ុតប៉េណាល់ទីចូល Ronaldo បានរត់សំដៅទៅកាន់អ្នកចាំទី Torino ដែលសង្គ្រោះបាល់មិនបានហើយយកស្មាខ្លួនទៅបុកនឹងស្មាអ្នកចាំទី Ichazo បន្តិចដើម្បីអបអរគ្រាប់បាល់ស៊ុតចូលរបស់គេ។
យ៉ាងណាក្តី ក្រោយអាជ្ញាកណ្តាលជូនកាដូកាតលឿង Ronaldo មិនបានតវ៉ាអ្វីទាំងអស់ហើយថែមទាំងញញឹមដោយការហួសចិត្ត។
ខ្សែប្រយុទ្ធវ័យ៣៣ឆ្នាំ បច្ចុប្បន្នស៊ុតបាន១២គ្រាប់ក្នុងការបង្ហាញខ្លួនឲ្យ Juventus ២១ប្រកួតគិតគ្រប់កម្មវិធីទាំងអស់ និង បានបញ្ជូនបាល់ឲ្យមិនរួមក្រុមស៊ុតចូល៨គ្រាប់៕