ទីបំផុត ខាត់ វៃហាំង សារភាពរឿងបេះដូងចំពោះ ស៊ិន យូប៊ីន ហើយ
- 2018-12-16 01:59:43
- ចំនួនមតិ 0 | ចំនួនចែករំលែក 0
ទីបំផុត ខាត់ វៃហាំង សារភាពរឿងបេះដូងចំពោះ ស៊ិន យូប៊ីន ហើយ
ចន្លោះមិនឃើញ
បណ្ដើរគ្នាយ៉ាងត្រសងដូចគូស្នេហ៍ទៅចូលរួមកម្មវិធីបង្ហាញម៉ូដសម្លៀកបំពាក់នារីរបស់ហាង Love Bonito Cambodia ល្ងាចមិញនៅផ្សារទំនើបអ៊ីអនសែនសុខ២ ខាត់ វៃហាំង បានសារភាពថាអំឡុងពេលនេះលោក និង ស៊ិន យូប៊ីន កំពុងតែមើលចិត្តថ្លើមគ្នាទៅវិញទៅមកមុនសម្រេចចិត្តចូលរោងការនៅថ្ងៃណាមួយ។
ការប្រកាសមើលចិត្តថ្លើមគ្នាទៅវិញទៅមកនេះស្របពេល ស៊ិន យូប៊ីន បង្ហោះនៅលើទំព័រហ្វេសប៊ុកខ្លួនកាលពីពេលថ្មីៗនេះថាលោក គឺជាបុរសម្នាក់ស្ម័គ្រចិត្តឲ្យនាង ផ្អែកស្មាអស់រយៈពេល៥ឆ្នាំដោយហែលឆ្លងសុខទុក្ខជាមួយគ្នាមិនខ្វល់ពីភាពនឿយហត់ ឬលំបាកអ្វីទាំងអស់។ ចុងក្រោយខាត់ វៃហាំង គឺជាស្មាដ៏រឹងមាំសម្រាប់នាង ផ្អែកដដែល។
សារនេះបានធ្វើឲ្យ ខាត់ វៃហាំង រំភើបស្ទើរហោះហើយព្រមសម្ដែងអារម្មណ៍ពិតចេញពីបេះដូងថា៖" ខ្ញុំពិតជារំភើបខ្លាំងណាស់មិននឹកស្មានគាត់ធ្វើឲ្យខ្ញុំភ្ញាក់ផ្អើលហើយប្រាប់ថា ខ្ញុំគឺជាបុរសម្នាក់ដែលគាត់ផ្អែកស្មាអស់រយៈពេល៥ឆ្នាំ"។
ជាចុងក្រោយ ខាត់ វៃហាំង បញ្ជាក់ថា ក្ដីស្នេហាលោក រវាង ស៊ិន យូប៊ីន បានចាប់ផ្ដើមឡើងក៏ដោយសារពុកម៉ែបងប្អូន និងហ្វេនៗមួយចំនួនដែរតែងតែនិយាយផ្គូផ្គងថា លោកនិងនាង ស័ក្ដិសមគ្នាណាស់ប្រសិនបើក្លាយជាគូស្នេហ៍ពិតប្រាកដមិនដឹងយ៉ាងណានោះទេ។ "ការនិយាយពីផ្គូផ្គងពីពុកម៉ែបងប្អូនចំពោះយើងទាំងពីរនាក់ បានធ្វើឲ្យយើងមានចិត្តលើគ្នាទៅវិញទៅមកហើយចាប់ផ្ដើមមានទំនាក់ទំនងជាមួយគ្នាតែម្ដងទៅ"៕