ស្ថានីយសាកថ្មល្បឿនលឿនថ្មី ប្រើពេល ៣ នាទី រត់បាន ១០០ គីឡូម៉ែត្រ
- 2018-12-17 02:39:01
- ចំនួនមតិ 0 | ចំនួនចែករំលែក 0
ស្ថានីយសាកថ្មល្បឿនលឿនថ្មី ប្រើពេល ៣ នាទី រត់បាន ១០០ គីឡូម៉ែត្រ
ចន្លោះមិនឃើញ
ក្រុមហ៊ុន BMW AG និង Porsche បានបង្ហាញស្ថានីយសាកថ្មល្បឿនលឿន ដែលមានសមត្ថភាពសាករថយន្តអគ្គិសនីឲ្យរត់បាន ១០០ គីឡូម៉ែត្រ ប្រើពេលត្រឹម ៣ នាទី។ ការអភិវឌ្ឍន៍នេះ បាននាំមុខក្រុមហ៊ុន Tesla។
គំរូឆ្នាំងសាកល្បឿនកប់នេះអាចផ្តល់ថាមពលប្រមាណ ៤៥០ គីឡូវ៉ាត់ ដែលច្រើនជាងបីដងនៃប្រព័ន្ធសាកថ្ម Superchargers របស់ Tesla។ រថយន្តសាកល្បង ដែលបានបង្កើតក្នុងការទទួលថាមពលច្រើននេះ អាចសាកបាន ៨០% ប្រើពេលត្រឹម ១៥ នាទី។ ស្ថានីយសាកថ្មរបស់ Tesla ត្រូវប្រើពេល ៣០ នាទី ដើម្បីឈានដល់កម្រិតនោះ។
សម្ព័ន្ធក្រុមហ៊ុនសំខាន់ៗរួមមាន BMW, Porsche, Phoenix Contact E-Mobility GmbH និង Allego GmbH រួមទាំង Siemens AG សុទ្ធតែបានរួមចំណែកក្នុងការអភិវឌ្ឍន៍ប្រព័ន្ធសាកថ្មដ៏ខ្លាំងនេះ។ ស្ថានីយមានការបើកទូលាយជាសាធារណៈក្នុងរដ្ឋ Bavaria និងអាចប្រើដោយស៊េរី។
ម៉ូដែលរថយន្តមានស្រាប់ មិនអាចទទួលយកចំនួនថាមពលខ្ពស់ ដែលឆ្នាំងសាកថ្មលឿនថ្មីនេះផ្តល់ឲ្យនោះទេ។ ដើម្បីធានា ឲ្យរថយន្តសាកល្បងរ៉ាប់រងនឹងចំនួនថាមពលពេញនេះ ក្រុមហ៊ុន Porsche បានកែប្រែប្រព័ន្ធបញ្ចុះកម្តៅ (Cooling System) ដើម្បីរក្សាសីតុណ្ហភាពថ្មឲ្យមានស្ថិរភាព រួមទាំងខ្សែសាកផងដែរ មិនឲ្យកើនកម្តៅ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ
ប្រភព៖ http://freeautomotivenews.com/bmw-porsche-test-3-minute-ev-charger-faster-teslas/