ធ្លាប់តែមើល Pope សម្តែងជាសុភាពបុរស តែមួយរឿងនេះប្លែកអារម្មណ៍តែម្តង

2018-12-17 04:31:01
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្តែងប្រុសដែលធ្លាប់បានគ្រងតំណែងជាតួឯកអស់ជាច្រើនរឿងប្រចាំប៉ុស្តិ៍លេខ៣ថៃ Pope Tanawat តែងតែសម្តែងជាតួអង្គសុភាពបុរស និងជាទីចង់បានសម្រាប់តួអង្គស្រីៗ។ ដោយឡែកសម្រាប់រឿងភាគថៃដែលមានចំណងជើងជាភាសាខ្មែរ «ឪរវល់ អ៊ំក៏មិនទំនេរ» បែរជាសម្តែងជាតួអង្គក្រមិចក្រមើម និងពូកែកំប្លែងទៅវិញ។

«ឪរវល់ អ៊ំក៏មិនទំនេរ» ជារឿងបែបកំប្លែង លាយឡំមនោសញ្ចេតនា ដោយតម្រូវឲ្យតួឯកប្រុស Teng (Pope) ដើរតួជាអ៊ំប្រុសម្នាក់ដែលត្រូវមើលថែក្មួយ ដោយសារតែឪពុកម្តាយរបស់គេត្រូវទៅរៀនបន្តនៅក្រៅប្រទេស។ បន្ទាប់ពីទទួលភារៈដ៏ធំមួយនេះ Teng បានយកក្មួយទៅផ្ញើនៅកន្លែងមើលថែក្មេង ហើយក៏បានជួបជាមួយ Chidao (Mew) ជាអ្នកទទួលខុសត្រូវក្មួយរបស់Teng។ គ្រាន់តែបានជួយជាមួយ Chidao Teng ក៏បានលង់ស្រឡាញ់នាងដោយមិនបានដឹងថា Chidao មានសង្សាររួចហើយ។ តែសំណាងល្អដែលChidao និងសង្សាររបស់នាងមិនសូវចុះសម្រុងគ្នា ស្របពេលដែលសង្សាររបស់ Chidaoមិនបានស្មោះជាមួយនាងផងនោះ ធ្វើឲ្យ Teng មានឱកាសដើម្បីបានស្និទ្ធជាមួយChidao។