មកស្គាល់មុខ កីឡាករឈ្នះពាន Golden Boy ឆ្នាំ ២០១៨
- 2018-12-17 13:29:15
- ចំនួនមតិ 0 | ចំនួនចែករំលែក 0
មកស្គាល់មុខ កីឡាករឈ្នះពាន Golden Boy ឆ្នាំ ២០១៨
ចន្លោះមិនឃើញ
ក្នុងឆ្នាំ ២០១៨ ជើងឯកពានកីឡាករវ័យក្មេង Golden Boy គឺបានទៅលើខ្សែការពារមកពីក្លឹបហុល្លង់Ajax កីឡាករ Matthijs De Ligt ដែលមានអាយុ ១៩ឆ្នាំ។
កីឡាករហុល្លង់រូបនេះ គឺជាប្រធានក្រុមក្លឹប Ajax ទាំងវ័យក្មេងតែម្ដង ហើយរូបគេបានលេងបានច្រើនប្រកួតឲ្យក្រុមជម្រើសជាតិហុល្លង់ទៀតផង។ គេបានលេងគ្រប់នាទីក្នុងកម្មវិធី UEFA Nations League និង បានជួយហុល្លង់ឲ្យឈរកំពូលតារាងពូល A ក្នុង Leauge A។
ចំណែកក្នុងក្លឹបវិញ De Ligt ក៏បានចូលលេងញឹកញាប់ដែរ ហើយថែមជាអ្នករួមចំណែកឲ្យ Ajax ឈរលេខ ២ ក្នុងតារាងលីគកំពូលហុល្លង់ ក៏ដូចជាជួយក្លឹបឲ្យឡើងដល់វគ្គ ១៦ក្រុមក្នុងក្របខ័ណ្ឌកំពូលអឺរ៉ុប ដោយ Ajax នឹងត្រូវប៉ះជាមួយក្លឹប Real Madrid នៅខែកុម្ភៈឆ្នាំក្រោយ។
ដោយទម្រង់លេងដ៏គួរឲ្យចាប់អារម្មណ៍របស់ខ្សែការពារវ័យក្មេងជនជាតិហុល្លង់នេះហើយ ទើបធ្វើឲ្យមានការចាប់អារម្មណ៍ពីសំណាក់ក្លឹបធំៗជាច្រើនដូចជា ក្លឹបយក្សបារាំង PSG, ក្លឹបយក្សអ៊ីតាលី Juventus និង ក្លឹបយក្សអាល្លឺម៉ង់ Bayern Munich ជាដើម។
ពានរង្វាន់ Golden Boy នេះ ជាពានដែលបង្កើតឡើងនៅឆ្នាំ ២០០៣ ដោយកាសែតអ៊ីតាលី Tuttosport ហើយចូលរួមដោយកាសែតល្បីៗជាច្រើនក្នុងទ្វីបអឺរ៉ុប។ ពាននេះ គឺរើសដោយការបោះឆ្នោតជ្រើសរើសកីឡាករល្អដែលមានអាយុក្រោម ២១ឆ្នាំ ពីក្រុមអ្នកកាសែតមកពីបណ្ដាញសារព័ត៌មានទាំងនោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
