មានវិធី បើចង់លុបព័ត៌មានចេញពីពិភពអ៊ីនធឺណិត

2018-12-18 04:20:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ដូចដឹងស្រាប់ មានក្រុមហ៊ុនទាំងតូច និងធំ មួយចំនួនបានព្យាយាមទាញយកទិន្នន័យអ្នកប្រើប្រាស់លើអ៊ីនធឺណិត តាមការផ្តល់សេវាកម្មប្រើប្រាស់នានា។ ពិតណាស់ មិនអាចលុបចោលព័ត៌មានទាំងស្រុងនោះទេ ប៉ុន្តែអាចលុបដានខ្លួនអ្នកលើអ៊ីនធឺណិតបាន។

គួរលុប ឬបិទគណនីចេញពីបណ្ដាញសង្គមនានា បើមានហើយលែងប្រើ ដូចជា Facebook, Twitter, LinkedIn, Instagram, Tumblr, Google+, MySpace ឬ Reddit។ ក្នុងការលុប ឬបិទគណនីនេះ អាចចូលទៅកាន់ Account Setting និងស្វែងរកជម្រើស Deactivate ដែលភាគច្រើននៅក្រោមផ្នែក Security ឬ Privacy។ បើពិបាក មិនអាចលុបគណនីបាន អាចផ្លាស់ប្ដូរព័ត៌មានពិតប្រាកដអំពីខ្លួននាក់។
មានក្រុមហ៊ុនមួយចំនួន មានការប្រមូលព័ត៌មានពីអ្វីអ្នកបានធ្វើលើអ៊ីនធឺណិត គោលបំណងរកផលចំណេញ ដូចជាSpokeo, Whitepages.com ឬ PeopleFinder។ អាចស្វែងរកឈ្មោះខ្លួនឯងលើវេបសាយទាំងនោះ បើមានគួររកមើលជម្រើសអាចលុបឈ្មោះចេញ។
បើមាននរណាម្នាក់បង្ហោះព័ត៌មានសំខាន់ៗរបស់អ្នក ដូចជាលេខគណនីធនាគារលើសេវាកម្មនានារបស់ Google និងគ្មានបំណងចង់លុបចេញ អាចធ្វើសំណើស្របច្បាប់មួយទៅកាន់ Google ក្នុងការចាត់វិធានលុបចោល។ គួរដឹងផងដែរ ដំណើរការលុបអាចយូរ ហើយក៏មិនធានាថាបានជោគជ័យ ១០០% ដែរ ប៉ុន្តែអាចសាកមើលបាន។

ឧទាហរណ៍ ទំព័រវេបសាយមួយមានព័ត៌មានចាស់របស់អ្នក ហើយអ្នកបានកែប្រែទិន្នន័យ។ តែពេលស្រាវជ្រាវឈ្មោះនោះលើ Google ស្រាប់តែបង្ហាញនៅក្នុងបញ្ជីលទ្ធផល សូម្បីតែពេលចុច Link មិនដំណើរការ។ នេះមានន័យថា ជំនាន់ចាស់នៃទំព័របានរក្សាទុក (Cache) លើ Server របស់ Google។ អាចបញ្ជូន URL នោះទៅកាន់ Google សង្ឃឹមមានការអាប់ដេតលើ Server ដែលអាចលុបចោលលទ្ធផលបានរក្សាទុកនោះ ប៉ុន្តែមិនធានានោះទេ។