អាមេរិកយល់ព្រមប្រគល់ជួងឲ្យហ្វីលីពីនវិញ ក្រោយលួចយកទៅជាង ១សតវត្ស (មានវីដេអូ)
- 2018-12-18 02:26:48
- ចំនួនមតិ 0 | ចំនួនចែករំលែក 0
អាមេរិកយល់ព្រមប្រគល់ជួងឲ្យហ្វីលីពីនវិញ ក្រោយលួចយកទៅជាង ១សតវត្ស (មានវីដេអូ)
ចន្លោះមិនឃើញ
នៅទីបំផុត ជួងចំនួនបីដែលកងទ័ពអាមេរិកលួចយកទៅកាលពីជាង ១សតវត្សមុន ត្រូវបានប្រគល់មកឲ្យព្រះវិហាររបស់វាវិញនៅក្នុងប្រទេសហ្វីលីពីន។
នៅក្នុងពិធីទទួលជួងមកវិញក្នុងក្រុង Balagiga ប្រធានាធិបតីហ្វីលីពីនលោក Rodrigo Duterte បានសរសើរជនរួមជាតិរបស់ខ្លួន និងអាមេរិកក្រោយពេលទទួលបានជួងទាំងបីដែលត្រូវបានលួចទៅអស់រយៈពេល ១១៧ឆ្នាំមកវិញ។ គួរឲ្យដឹងថា កាលពីឆ្នាំ ១៩០១ក្រុមសកម្មប្រយុទ្ធហ្វីលីពីន បានសម្លាប់ទាហានអាមេរិក ៤៨នាក់ ដែលធ្វើឲ្យឧត្ដមសេនីយ៍ Jacob H Smith ខឹងសម្បារខ្លាំងរហូតបញ្ជាឲ្យមានការសម្លាប់រង្គាលជនជាតិហ្វីលីពីនរាប់ពាន់នាក់ ហើយក៏បានរឹបអូសជួងទាំងបីតែម្ដង។
ទោះយ៉ាងណាក៏ដោយ ប្រជាជនហ្វីលីពីនរាប់រយនាក់ បានសម្ដែងសេចក្ដីសាទរខ្លាំងចំពោះការវិលត្រលប់មកវិញរបស់ជួងទាំងបីដែលជាសញ្ញាដំណាងឲ្យ "ឯករាជ្យភាព” របស់ហ្វីលីពីន៕
សូមទស្សនាវីដេអូខាងក្រោម ៖
ចុចអាន ៖
ឌូតឺតេ ធ្វើក្បាច់ DAB តាមម្ចាស់មេដាយមាស គួរឲ្យអស់សំណើចបំផុត (មានវីដេអូ)
បុរសខ្លាំងហ្វីលីពីនទម្លាក់កំហុសឲ្យដូណាល់ត្រាំ ក្រោយអតិផរណាកើនឡើង