ស្មាតហ្វូនវៀតណាមទើបប្រកាសចេញ តម្លៃចាប់ពីខ្ទង់ ១០០ ដុល្លារ

2018-12-18 04:38:09
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្មីៗនេះក្រុមហ៊ុន Vsmart ដែលកាន់កាប់ដោយសម្ព័ន្ធ Vin Group របស់វៀតណាម បានប្រកាសចេញស្មាតហ្វូនដំបូងរបស់ខ្លួនចំនួន ៤ ម៉ូដែល ដែលមានតម្លៃលក់ចាប់ពីខ្ទង់ ១០០ ដុល្លារ។

ស្មាតហ្វូនទាំងបួនមានម៉ូដែល Joy 1, Joy 1+ , Active 1 និង Active1+ ដែលមានតម្លៃលក់ដំបូងប្រមាណ ១០៦ ដុល្លារ, ១៤៥ ដុល្លារ, ២១៤ ដុល្លារ និង ២៦៩ ដុល្លារ តាមម៉ូដែលនីមួយៗ។ តម្លៃលក់ជាអ្វីដែលធ្វើឲ្យគ្រប់គ្នាភ្ញាក់ផ្អើលខ្លាំង ដែលធូរថ្លៃលើសពីការរំពឹងទុក។

ចំពោះម៉ូដែល Joy 1 ដែលធូរថ្លៃជាងគេមានបំពាក់អេក្រង់ LCD ទំហំ ៥,៥ អ៊ីញ, ប្រើបន្ទះឈីប Snapdragon 430, RAM ទំហំ ៣ GB, អង្គផ្ទុកទំហំ ៣២ GB, ថ្មទំហំ ៣០០០ mAh និងកាមេរ៉ាក្រោយមានមួយគ្រាប់កម្រិត ១៣ MP។

ម៉ូដែល Joy 1+ ស្រដៀងនឹង Joy 1 ដែរ ប៉ុន្តែមានអេក្រង់ឆកទំហំ ៦,២ អ៊ីញ, ប្រើបន្ទះឈីប Snapdragon 435, RAM ទំហំ ៣ GB, អង្គផ្ទុក ៣២ GB និងមានកាមេរ៉ាភ្លោះទំហំ ១៣ MP + ២ MP។

សម្រាប់ម៉ូដែល Active 1 មានអេក្រង់ទំហំ ៥,៥ អ៊ីញ, បន្ទះឈីប Snapdragon 660, RAM ទំហំ ៤ GB, អង្គផ្ទុក ៦៤ GB, ថ្មទំហំ ៣១០០ mAh និងមានកាមេរ៉ាភ្លោះកម្រិត ១២ MP + ៥ MP។

ម៉ូដែលចុងក្រោយ Active 1+ រាងទំនើបជាងគេបន្តិច ដោយមានអេក្រង់ ៦,២ អ៊ីញ, ប្រើបន្ទះឈីប Snapdragon 660, RAM ទំហំ ៦ GB, អង្គផ្ទុក ៦៤ GB, ថ្មទំហំ ៣៦៥០ mAh និងកាមេរ៉ាភ្លោះកម្រិត ១២ MP + ២៤ MP ហើយមានកាមេរ៉ា Selfie កម្រិត ២០ MP ផងដែរ។

គួរដឹងថាស្មាតហ្វូន Vsmart ទាំងបួននេះបានដាក់លក់ជាដំណាក់កាលដំបូងលើទីផ្សារក្នុងស្រុកចាប់ពីពេលនេះ ហើយការដាក់លក់ដំណាក់កាលទីពីរនឹងត្រូវប្រែប្រួលតម្លៃបន្តិចបន្តួច៕

ចុចអាន៖

ប្រភព៖ vnexpress ប្រែសម្រួល៖ សុខហេង