Wanna One បញ្ចេញផ្ទាំងរូប Teaser ដំបូងសម្រាប់ការប្រគំតន្រ្តីចុងក្រោយរបស់ពួកគេ

2018-12-18 07:19:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីប្រកាសជាផ្លូវការពីការរំសាយក្រុមនៅចុងឆ្នាំ ២០១៨នេះ ថ្មីៗនេះ ក្រុមចម្រៀងប្រុស Wanna One បានបញ្ចេញផ្ទាំងរូបភាពដំបូងសម្រាប់ការប្រគំតន្ត្រីលាគ្នាជាចុងក្រោយរបស់ពួកគេដែលមានឈ្មោះថា "Therefore”។

កម្មវិធីប្រគំតន្ត្រីនេះដែរ នឹងត្រៀមធ្វើឡើងចំនួន ៤ ថ្ងៃជាប់ៗគ្នា គិតចាប់ពីថ្ងៃទី ២៤ ដល់ថ្ងៃទី ២៧ ខែមករា នៅឯពហុកីឡដ្ឋាន Gocheok Sky Dome ក្នុងទីក្រុងសេអ៊ូល។ សំបុត្រចូលរួមទស្សនានឹងចាប់ផ្ដើមដាក់លក់សម្រាប់សមាជិកក្លឹបអ្នកគាំទ្រតាមរយៈ Interpark នៅថ្ងៃទី ២៦ ខែធ្នូនេះ និងសំបុត្រដាក់លក់សម្រាប់មហាជនទូទៅ នៅថ្ងៃទី ២៧ ខែធ្នូ ឆ្នាំ២០១៨។

បន្ថែមពីនេះដែរ ក្រុមចម្រៀង Wanna One ក៏នឹងអញ្ជើញចូលរួមលក្ខណៈជាក្រុម ក្នុងកម្មវិធីបំណាច់ឆ្នាំមួយចំនួនទៀត ដែលគ្រោងធ្វើឡើងនៅខែមករាខាងមុខនេះ មុនការប្រគំតន្ត្រីចុងក្រោយរបស់ពួកគេបានចាប់ផ្ដើម៕

ប្រភព៖ Allkpop ប្រែសម្រួល៖ អន សុភក្ត្រា