នាយករដ្ឋមន្ត្រីបែលហ្សិកចុះចេញពីតំណែង ក្រោយផ្ទុះបាតុកម្មរឿងជនអន្ដោប្រវេសន៍

2018-12-19 02:00:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីបែលហ្សិកលោក Charles Michel បានប្រកាសលាលែងពីដំណែងហើយក្រោយកិច្ចព្រមព្រៀងជនអន្ដោប្រវេសន៍របស់លោកបង្កឲ្យមានបាតុកម្មពេញទីក្រុង Brussels។

ថ្លែងទៅកាន់សមាជិកសភាកាលពីថ្ងៃអង្គារទី ១៨ខែធ្នូនេះ លោក Charles ឲ្យដឹងថា "ខ្ញុំសម្រេចចិត្តថានឹងចុះចេញពីដំណែងហើយ។ ខ្ញុំនឹងទៅជួបព្រះមហាក្សត្រដើម្បីទូលព្រះអង្គពីរឿងនេះ។” ការសម្រេចចិត្តនេះ ធ្វើឡើងក្រោយក្រុមបាតុករលើកគ្នាមកតវ៉ានៅមុខស្នាក់ការកណ្ដាលសហភាពអឺរ៉ុបជុំវិញការដែលលោក Charles យល់ព្រមចុះហត្ថលេខាលើកិច្ចព្រមព្រៀងអន្ដោប្រវេសន៍។ កិច្ចព្រមព្រៀងនេះ នឹងអនុញ្ញាតឲ្យមានការសម្រួលដល់ជនអន្ដោប្រវេសន៍អន្ដរជាតិដ៏ច្រើនលើសលប់ចូលមកកាន់បែលហ្សិក ដែលជាហេតុធ្វើឲ្យប្រជាជនមានការខឹងសម្បាររហូតបង្កឲ្យមានបាតុកម្មហិង្សា។

គួរឲ្យដឹងថា ចំនួនជនអន្ដោប្រវេសន៍ដែលចូលមកកាន់អឺរ៉ុប បានកើនឡើងដល់ ១លាននាក់កាលពីឆ្នាំ ២០១៥ ដែលសភាពអឺរ៉ុបត្រូវចាប់ផ្ដើមធ្វើការលើរឿងនេះ ហើយភាគច្រើននៃជនអន្ដោប្រវេសន៍ទាំងនេះ គឺជាអ្នកភៀសខ្លួនពីសង្គ្រាមស៊ីវិលនៅស៊ីរី និងភាពក្រីក្រនៅអាហ្វ្រិក៕