អ្នកស្វែងរកការងារយ៉ាងតិច ៥០០នាក់ បានចូលរួមពិព័រណ៍ការងារលើកទី ២០
- 2018-12-19 02:53:27
- ចំនួនមតិ 0 | ចំនួនចែករំលែក 0
អ្នកស្វែងរកការងារយ៉ាងតិច ៥០០នាក់ បានចូលរួមពិព័រណ៍ការងារលើកទី ២០
ចន្លោះមិនឃើញ
អ្នកស្វែងរកការងារ និងសិស្សនិស្សិតប្រមាណជា ៥០០នាក់ បានមកចូលរួម និងស្វែងយល់ពីការដាក់ពាក្យធ្វើការនៅក្នុងពិព័រណ៍ការងារនៅឯមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) កាលពីថ្ងៃសៅរ៍ ទី១៥ ធ្នូ កន្លងទៅនេះ។
លោកស្រី ណែម ចិន្ដា អ្នករៀបចំពិព័រណ៍ការងារបានឲ្យដឹងថា ពិព័រណ៍ការងារនេះបានផ្ដល់ឱកាសដល់ សិស្សនិស្សិត និងអ្នកកំពុងស្វែងរកការងារឲ្យបានជួបដោយផ្ទាល់ជាមួយអ្នកតំណាងក្រុមហ៊ុនជប៉ុន និងក្រុមហ៊ុនផ្សេងទៀត ដែលកំពុងតែស្វែងរកបុគ្គលិក ជាពិសេសអ្នកកំពុងស្វែងរកការងារ អាចទទួលបានការសម្ភាសន៍ផ្ទាល់នៅនឹងកន្លែងតែម្ដង។
លោកស្រី បានបន្ថែមទៀតថា ក្រៅពីការតាំងបង្ហាញរបស់ក្រុមហ៊ុននីមួយៗ អ្នកស្វែងរកការងារ និងសិស្សនិស្សិត ក៏បានស្វែងយល់បន្ថែមពីការរៀបចំខ្លួនឲ្យបានត្រឹមត្រូវមុនពេលទៅសម្ភាសន៍ការងារ។
គួរបញ្ជាក់ផងដែរថា ពិព័រណ៍ការងារបានរៀបចំឡើងទៅតាំងពីឆ្នាំ ២០១២ ហើយនេះជាលើកទី ២០ដែល CJCC បានរៀបចំវិធីនេះ ដែលមានការចូលរួមតាំងពិព័រណ៍ពីក្រុមហ៊ុនក្នុងស្រុក និងក្រៅស្រុក៕