គិតមិនដល់ ង៉ែត សុវណ្ណលីតា មានកូនក្រមុំស្អាតយ៉ាងនេះ កំពុងប្រឡូកសិល្បៈផង
- 2018-12-19 03:33:44
- ចំនួនមតិ 0 | ចំនួនចែករំលែក 0
គិតមិនដល់ ង៉ែត សុវណ្ណលីតា មានកូនក្រមុំស្អាតយ៉ាងនេះ កំពុងប្រឡូកសិល្បៈផង
ចន្លោះមិនឃើញ
ង៉ែត សុវណ្ណលីតា ដែលប្រិយមិត្តស្គាល់តាមរយៈការសម្ដែងភាគច្រើនជាតួម្ដាយនោះ នៅថ្មីៗនេះ ស្រាប់តែបានបង្ហាញឲ្យឃើញថា នាងមានកូនក្រមុំម្នាក់ទៅហើយ ក្នុងពេលនាងទើបមានវ័យប្រមាណជាង ៣០ឆ្នាំ សំខាន់កូនស្រីរូបនោះ ហើយថែមទាំងស្រស់ស្អាត និងកំពុងប្រឡូកសិល្បៈទៀតផង។
កូនស្រីរបស់ សុវណ្ណលីតា ត្រូវបានឲ្យដឹងឈ្មោះថា "ផៃ" បច្ចុប្បន្នមានវ័យ ២១ឆ្នាំ ដែលមើលទៅមានរូបរាងស្រស់ស្អាតគួរឲ្យទាក់ភ្នែក។ ផៃ គឺជាកូនច្បងរបស់តារាសម្ដែងស្រីខាងលើ ក្នុងចំណោមបងប្អូនទាំងអស់ ៣នាក់។ មានរូបសម្ផស្សស្រស់ឆើត លីតា ប្រាប់ថា កូនស្រីច្បងរបស់នាង ក៏ជាតារាសិល្បៈមួយរូបដែរ ដោយទើបនឹងបានសម្ដែងភាពយន្តភាគសម្រាប់បញ្ចាំងលើទូរទស្សន៍ចំនួន ២រឿង។
១រឿងក្នុងចំណោម ទាំងពីររឿងនោះមាន "ប្រអប់សំបុត្រចោលទុក្ខ" ដែល ផៃ បានសម្ដែងជាតួឯកកាច ឬតួកាចឆ្នាស តាមគន្លងរបស់ម្ដាយនាង ដែលជាញយៗប្រទះតួអង្គដូចគ្នានេះ។ "ចាស គាត់សម្ដែងជាតួឯកកាច ដូចខ្ញុំដែរ ហើយរឿងរបស់គាត់សម្ដែង ត្រៀមនឹងដាក់បញ្ចាំងនៅលើកញ្ចក់ទូរទស្សន៍នៅសប្ដាហ៍ក្រោយហើយ!”។
បើទោះជាបែបជ្រុលខ្លួនចូលក្នុងការសម្ដែងភាពយន្តហើយក្ដី ប៉ុន្តែតាមសភាពជាក់ស្ដែង ផៃ អាចនឹងឈប់ពីសិល្បៈវិញនាពេលខាងមុខ។ នេះបើតាមសម្ដីរបស់អ្នកម្ដាយនាង។ លីតា ប្រាប់ថា ផៃកូនរបស់ខ្លួន មិនជាមានចំណូលចិត្តខ្លាំងចំពោះការងារសិល្បៈទេ ប៉ុន្តែនាងមានចំណូលចិត្តខាងអាជីវកម្មច្រើនជាង ដោយបច្ចុប្បន្នកូនស្រីច្បងក្នុងគ្រួសាររូបនេះ ក៏ជាអ្នករកស៊ីមួយរូបដែរ។
យ៉ាងណាក៏ដោយ លីតា មិនបានបញ្ជាក់ឡើងថា កូនស្រីស្រស់ប្រិមប្រិយរបស់ខ្លួន បាន និងកំពុងរកស៊ីជំនួញអ្វីនោះទេ។ តោះ...មើលទាំងអស់គ្នា ផៃ មានសម្រស់ស្រស់ស្អាតទេប៉ុណ្ណឹង!