ក្រុមហ៊ុនល្បីមួយ ជួយនិស្សិតខ្មែរឲ្យរៀនជំនាញគ្រឿងចក្រកសិកម្មកម្រិតសាកលវិទ្យាល័យ

2018-12-19 07:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះក្រុមហ៊ុនគូបូតាកម្ពុជា និងសកលវិទ្យាល័យមានជ័យ បានសហការណ៍គ្នាក្នុងការអភិវឌ្ឍន៍ជំនាញជួសជុលគ្រឿងចក្រកសិកម្ម ក្រោមគំរោងដែលមានឈ្មោះថា មជ្ឈមណ្ឌលបណ្ដុះបណ្ដាលបច្ចេកទេសគ្រឿងចក្រកសិកម្មគូបូតា (KUBOTA Technical Education Center (KTEC) ក្នុងគោលបំណងឲ្យនិស្សិតអាចអភិវឌ្ឍន៍ជំនាញរបស់ពួកគេទាំងផ្នែកទ្រឹស្ដី និងការអនុវត្តន៍ដើម្បីផ្ដល់ចំណេះដឹងនិងជំនាញក្នុងការថែទាំជួសជុលគ្រឿងចក្រកសិកម្ម។

លោក ឆាលើមឆ័យ គិតិប័ណ្ណថន នាយកគ្រប់គ្រងក្រុមហ៊ុន គូបូតាកម្ពុជា បានមានប្រសាសន៍ថា “គូបូតាបានចុះហត្ថលេខាទៅលើអនុសារណៈនៃការយោគយល់គ្នាជាមួយសកលវិទ្យាល័យមានជ័យ ដើម្បីអភិវឌ្ឍន៍ការអប់រំជំនាញគ្រឿងចក្រកសិកម្មឲ្យមានប្រសិទ្ធភាពដែលស្ថិតក្រោមគំរោងមជ្ឈមណ្ឌលបណ្ដុះបណ្ដាលបច្ចេកទេសគ្រឿងចក្រកសិកម្មគូបូតា (KUBOTA Technical Education Center (KTEC)។

សិក្ខាកាមទាំងអស់និងទទួលបានការបណ្តុះបណ្តាលទាំងផ្នែកទ្រឹស្តីនិងការអនុវត្តន៍ផ្ទាល់នូវជំនាញបច្ចេកទេសគ្រឿងចក្រកសិកម្មគូបូតា។

មជ្ឈមណ្ឌលបណ្ដុះបណ្ដាលបច្ចេកទេសគ្រឿងចក្រកសិកម្មគូបូតា

ស្របតាមស្តង់ដារគូបូតាជាមួយនិងគ្រឿងយន្តកសិកម្មជាក់ស្តែង និងគ្រឿងបរិក្ខារផ្សេងៗដែលក្រុមហ៊ុនគូបូតាបានឧបត្ថម្ភដល់ពួកគេ។ សិស្សានុសិស្សក៏អាចអនុវត្តន៍ដោយផ្ទាល់ជាមួយសម្ភារបច្ចេកទេសដែលក្រុមហ៊ុនបានប្រគល់ជូនដើម្បីបង្កើនបទពិសោធន៍ជាក់ស្ដែងដែលអាចយកទៅប្រកបការងារបាន។ សម្ភារទាំងអស់នេះនិងក្លាយជាប្រយោជន៍ក្នុងការកសាងធនធានមនុស្សប្រកបទៅដោយគុណភាពផ្នែកកសិកម្មសំរាប់ប្រទេសជាតិតទៅអនាគត។

ឯកឧត្ដម អ៊ុំ រាត្រី សកលវិទ្យាធិការនៃសកលវិទ្យាល័យមានជ័យ បានមានប្រសាសន៍ថា “សកលវិទ្យាល័យបានត្រៀមខ្លួនរួចជាស្រេចក្នុងការបង្រៀនមុខជំនាញបច្ចេកទេសគ្រឿងចក្រកសិកម្ម។

ជាការរីករាយយ៉ាងខ្លាំងដែលក្រុមហ៊ុនគូបូតាកម្ពុជាបានទទួលស្គាល់សារសំខាន់នៃការអភិវឌ្ឍន៍ការអប់រំជំនាញបច្ចេកទេសគ្រឿងចក្រកសិកម្មកម្រិតសាកលវិទ្យាល័យដែលធ្វើឲ្យនិស្សិតបានសិក្សានិងអនុវត្តន៍ជំនាញនៃការថែទាំជួសជុលគ្រឿងចក្រកសិកម្មរបស់ពួកគេ ហើយនេះគឺផ្នែកមួយនៃការគាំទ្រនិងពង្រឹងវិស័យកសិកម្មក្នុងប្រទេសកម្ពុជា។

មជ្ឈមណ្ឌលបណ្ដុះបណ្ដាលបច្ចេកទេសគ្រឿងចក្រកសិកម្មគូបូតា

គំរោងមជ្ឈមណ្ឌលបណ្តុះបណ្តាលបច្ចេកទេសគ្រឿងចក្រកសិកម្មគូបូតា (KUBOTA Technical Education Center (KTEC) គឺជាការរួមសហការគ្នានៃ ក្រុមហ៊ុនស្យ៉ាមគូបូតា និង វិទ្យាស្ថានបច្ចេកវិទ្យាបាត់ដំបង។

វិទ្យាស្ថានបច្ចេកវិទ្យាបាត់ដំបងគឺមជ្ឈមណ្ឌលវិជ្ជាជីវះដំបូងដែលបានបង្រៀនជំនាញគ្រឿងចក្រកសិកម្ម ដែលត្រូវបានបង្កើតឡើងក្នុងឆ្នាំ ២០១៤ ក្នុងគោលបំណងអភិវឌ្ឍន៍ធនធានមនុស្សលើជំនាញគ្រឿងចក្រកសិកម្មប្រកប ដោយគុណភាពនិងក៏ដូចជាលើកកម្ពស់ស្តង់ដារនៃការអប់រំក្នុងវិស័យគ្រឿងចក្រកសិកម្មឲ្យស្របតាមស្តង់ដារសាកល។

សម្រាប់គោលការណ៍អាជីវកម្មរបស់ក្រុមហ៊ុនស្យ៉ាមគូបូតា គឺមិនត្រឹមតែផ្តោតទៅលើការសិក្សាស្រាវជ្រាវនិងអភិវឌ្ឍន៍បច្ចេកវិទ្យាគ្រឿងចក្រកសិកម្មដើម្បីបំពេញតម្រូវការប្រជាកសិករប៉ុណ្ណោះទេ ប៉ុន្តែយើងក៏មានគោលការណ៍ក្នុងការចូលរួមចំណែកក្នុងការជួយដល់សង្គម ទាំងការអប់រំ យុវជន និងសង្គមជាបន្តបន្ទាប់៕