ខ្ញីចាស់ហឹរអីចឹង! តារាហុងកុង Ha Yu ក្លាយជាអ្នកគ្រងតំណែងយូរជាងគេ ក្នុងរឿងភាគល្បីនេះ
- 2018-12-19 07:02:25
- ចំនួនមតិ 0 | ចំនួនចែករំលែក 0
ខ្ញីចាស់ហឹរអីចឹង! តារាហុងកុង Ha Yu ក្លាយជាអ្នកគ្រងតំណែងយូរជាងគេ ក្នុងរឿងភាគល្បីនេះ
ចន្លោះមិនឃើញ
ចាស់មែន តែតារាសម្ដែងជើងចាស់របស់ TVB វ័យ ៥៤ ឆ្នាំ Ha Yu នៅតែរក្សាតំណែងរបស់ខ្លួនបានល្អក្នុងរឿង «ស្នេហា និងការលោភលន់» អស់ ៣ វគ្គមកហើយ បើគិតពីវគ្គទី១ ដែលត្រូវបានផលិតក្នុងឆ្នាំ ២០០៧ វគ្គទី ២នៅឆ្នាំ២០០៨ និងវគ្គទី៣ នៅឆ្នាំ២០១៧។
ភាពយន្តភាគនេះ ទទួលបានការគាំទ្រយ៉ាងខ្លាំង ត្បិតសាច់រឿងមានការអភិវឌ្ឍន៍ និងមានភាពប្រទាក់ក្រឡាគ្នាគួរឲ្យជក់ចិត្ត។ ឯតួសម្ដែង សុទ្ធតែមានសមត្ថភាព និងមានការផ្លាស់ប្តូរផ្សេងៗគ្នាពី១វគ្គ ទៅ១ វគ្គ លើកលែងតែតួលោក Ha Yu ប៉ុណ្ណោះ ដែលគ្រងតំណែងបានយូរជាងគេ ពោលគឺជិត ១០ ឆ្នាំមកហើយ។
ក្នុងរឿង «ស្នេហា និងការលោភលន់» លោកHa Yu សម្តែងជាតួ Wong Wing Ching រហស្សនាមថា ប៉ាជិង ឬ ស្តេចតែទឹកដោះគោហ័ង។ ក្នុងរឿងនេះតម្រូវអោយលោកជាមនុស្សដែលមានចិត្តទូលាយ ដឹងគុណ ជាឪពុកដែលមានព្រហ្មវិហារធម៌ ជាប្តីដែលចេះស្រឡាញ់ប្រពន្ធកូន ស្មោះត្រង់ សុខចិត្តលំបាកខ្លួនឯង និងគោរពពាក្យសច្ចៈ។
បច្ចុប្បន្នរឿង« ស្នេហា និងការលោភលន់» វគ្គទី៣នេះ កំពុងចាក់ផ្សាយនៅលើកញ្ចក់ទូរទស្សន៍ PNN រៀងរាល់ថ្ងៃចន្ទ-សុក្រ វេលាម៉ោង ១១:០០-១២:០០ថ្ងៃត្រង់ និងបានទាក់ទាញអ្នកទស្សនាយ៉ាងច្រើន មិនចាញ់រឿងភាគហុងកុងមុនៗឡើយ៕ ចង់រឿងវគ្គ ៣ ឡូយយ៉ាងណាអត់ ទស្សនាឈុតខ្លីខាងក្រោម៖