យ៉ន ពិសី ធ្វើការនៅថៃក្នុង១ថ្ងៃបាន ៥០០បាត តែឆ្លៀតមកវ៉ៃនៅខ្មែរទៀត

2018-12-19 07:42:36
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ទើបឡើងសង្វៀនប្រហែល២០ដង យ៉ន ពិសី ក្រៅតែពីអាជីពជាអ្នកប្រដាល់ គឺជាកម្មករវេចខ្ចប់ផ្លែឈើនៅប្រទេសថៃ ប៉ុន្តែឆ្លៀតមកប្រកួតខ្មែរខ្លះៗដែរ ព្រោះស្រឡាញ់យូរហើយ។

កីឡាករ យ៉ន ពិសី

ពិសី បានឲ្យដឹងថា រូបគេធ្វើការងារនៅប្រទេសថៃយូរហើយផ្នែកវេចខ្ចប់ផ្លែឈើ ប៉ុន្តែមានពេលទំនេរ ឬដឹងដំណឹងពីគ្រូថាត្រូវមានកម្មវិធីត្រូវវ៉ៃក៏ឆ្លៀតមកបន្តខ្លះដែរ។ បន្ទាប់ពីចូលរួមប្រកួតក្នុងពានរង្វាន់ TV5 រួចហើយ បើគ្មានការប្រកួតអ្វីទៀតទេ រូបគេប្រហែលត្រូវទៅថៃវិញធ្វើការបន្តទៀត។

អ្នកលេងគុនខ្មែរវ័យ ២២ឆ្នាំរូបនេះបន្តថា មូលហេតុដែលខ្លួនបន្តអាជីពឈឺខ្លួនមួយនេះ ពីព្រោះតែស្រឡាញ់ខ្លាំង ធ្លាប់មើលសិស្សច្បង ឡុង សុភី ឡុង សុវណ្ណឌឿន រួមទាំង ឡុង សំណាង ប្រកួតតាមទូរទស្សន៍កន្លងមក ដូច្នេះហើយទើបបានជារូបគេចង់ក្លាយជាអ្នកប្រដាល់ល្បីឈ្មោះដូចអ្នកទាំងអស់នោះផងដែរ។

យ៉ន ពិសី(ក្រហម)

យ៉ន ពិសី ជាកូនសិស្សលោក ឡុង សាលវ័ន្ត ទើបឡើងសង្វៀនបានប្រហែល២០ដងប៉ុណ្ណោះ ប្រកួតចុងក្រោយក្នុងកម្មវិធីពានរង្វាន់ TV5 ទម្ងន់ ៥៧គីឡូក្រាម សប្ដាហ៍មុននេះឈ្នះពិន្ទុ អាន ទាវ បានឡើងទៅជុំទី២ បន្តទៀត៕

អត្ថបទ៖ នួន ស៊ីណា